ਕੈਨੇਡਾ ਦਾ ਪਹਿਲਾ ਛੋਟਾ ਮਾਡਿਊਲਰ ਰਿਐਕਟਰ ਜਲਦ ਹੀ ਓਨਟਾਰੀਓ 'ਚ ਹੋਣ ਜਾ ਰਿਹੈ ਸਥਾਪਿਤ

ਕੈਨੇਡਾ ਦਾ ਪਹਿਲਾ ਛੋਟਾ ਮਾਡਿਊਲਰ ਰਿਐਕਟਰ ਜਲਦ ਹੀ ਓਨਟਾਰੀਓ ਵਿਚ ਸਥਾਪਿਤ ਹੋਣ ਜਾ ਰਿਹਾ ਹੈ, ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਅਤੇ ਪ੍ਰੀਮੀਅਰ ਡੱਗ ਫੋਰਡ ਨੇ ਅੱਜ ਸੂਬੇ ਦੇ ਬੋਮਨਵਿਲ ਵਿਚ ਇਸ ਮਿੰਨੀ ਨਿਊਕਲੀਅਰ ਪਲਾਂਟ ਲਈ ਸਾਂਝੇ ਤੌਰ 'ਤੇ $3ਬਿਲੀਅਨ ਖ਼ਰਚ ਕਰਨ ਦਾ ਐਲਾਨ ਕੀਤਾ। ਇਹ ਜੀ-7 ਵਿਚ ਇਸ ਤਰ੍ਹਾਂ ਦਾ ਪਹਿਲਾ ਪ੍ਰੋਜੈਕਟ ਹੋਵੇਗਾ।

ਪੀ.ਐਮ.ਕਾਰਨੀ ਨੇ ਕਿਹਾ ਕਿ ਇਹ ਇੱਕ ਪੀੜ੍ਹੀ ਦਰ ਪੀੜ੍ਹੀ ਨਿਵੇਸ਼ ਹੈ ਜੋ ਆਉਣ ਵਾਲੇ ਸਮੇਂ ਵਿਚ ਕਈ ਮੌਕੇ ਪੈਦਾ ਕਰੇਗਾ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਇੱਕ ਵਾਰ ਸਾਰੇ ਚਾਰ ਛੋਟੇ ਮਾਡਿਊਲਰ ਰਿਐਕਟਰ ਪੂਰੇ ਹੋ ਜਾਣ 'ਤੇ ਇਹ ਕੁੱਲ ਮਿਲਾ ਕੇ 1,200 ਮੈਗਾਵਾਟ ਬਿਜਲੀ ਪੈਦਾ ਕਰਨਗੇ, ਜਿਸ ਨਾਲ 1.2 ਮਿਲੀਅਨ ਘਰਾਂ ਨੂੰ ਪਾਵਰ ਦਿੱਤੀ ਜਾ ਸਕਦੀ ਹੈ। ਇਨ੍ਹਾਂ ਵਿਚੋਂ ਪਹਿਲੇ ਐਸ.ਐਮ.ਆਰ. ਦਾ ਨਿਰਮਾਣ ਮਈ ਵਿਚ ਸ਼ੁਰੂ ਹੋਇਆ ਸੀ ਅਤੇ ਇਸ ਦੇ 2030 ਤੱਕ ਸੇਵਾ ਵਿਚ ਆਉਣ ਦੀ ਉਮੀਦ ਹੈ।