16.43C Vancouver 16.43C VancouverMay 22, 2020 11:35 PM -
ਕੈਨੇਡਾ 'ਚ ਹੁਣ ਸਿਆਸੀ ਪਾਰਟੀਆਂ, ਵੇਜ ਸਬਸਿਡੀ ਪ੍ਰੋਗਰਾਮ ਦੇ ਲਈ ਅਪਲਾਈ ਕਰ ਰਹੀਆਂ ਹਨ।
ਕੋਵਿਡ-19 ਪੈਂਡੇਮਿਕ ਦਰਮਿਆਨ ਆਪਣੇ ਸਟਾਫ ਨੂੰ ਲੇ-ਆਫ (layoff) ਕਰਨ ਤੋਂ ਬਚਣ ਲਈ ਸਿਆਸੀ ਪਾਰਟੀਆਂ ਇਹ ਕਦਮ ਉਠਾ ਰਹੀਆਂ ਹਨ।
ਲਿਬਰਲ ਅਤੇ ਕੰਜ਼ਰਵੇਟਿਵ ਪਾਰਟੀਆਂ ਨੂੰ ਵੇਜ ਸਬਸਿਡੀ ਪ੍ਰੋਗਰਾਮ ਦੇ ਲਈ ਮਨਜ਼ੂਰੀ ਵੀ ਮਿਲ ਗਈ ਹੈ।
ਐਨ.ਡੀ.ਪੀ. ਅਤੇ ਗ੍ਰੀਨਜ਼ ਨੇ ਵੀ ਇਸ ਦੇ ਲਈ ਅਪਲਾਈ ਕੀਤਾ ਹੈ, ਪਰ ਇਨ੍ਹਾਂ ਪਾਰਟੀਆਂ ਨੂੰ ਫ਼ਿਲਹਾਲ ਐਪਰੂਵਲ ਨਹੀਂ ਮਿਲਿਆ ਹੈ।
ਇਸ $73 ਬਿਲੀਅਨ ਪ੍ਰੋਗਰਾਮ ਤਹਿਤ 75% ਦੀ ਵੇਜ ਸਬਸਿਡੀ ਦੀ ਮਦਦ ਮਿਲ ਰਹੀ ਹੈ।
ਕੋਵਿਡ-19 ਪੈਂਡੇਮਿਕ ਦਰਮਿਆਨ, ਸਿਆਸੀ ਡੋਨੇਸ਼ਨਾਂ 'ਚ ਵੀ ਗਿਰਾਵਟ ਦਰਜ ਕੀਤੀ ਗਈ ਹੈ।
ਪਾਰਟੀਆਂ ਨਾਲ ਜੁੜੇ ਕਰਮਚਾਰੀਆਂ ਨੂੰ ਤਨਖ਼ਾਹਾਂ ਦਿੰਦੇ ਰਹਿਣ ਲਈ ਇਸ ਏਡ ਪ੍ਰੋਗਰਾਮ ਲਈ ਅਪਲਾਈ ਕੀਤਾ ਜਾ ਰਿਹਾ ਹੈ।
ਇਹ ਪ੍ਰੋਗਰਾਮ ਪਹਿਲਾਂ 15 ਮਾਰਚ ਤੋਂ 6 ਜੂਨ ਤੱਕ ਲਾਗੂ ਕੀਤਾ ਗਿਆ ਸੀ, ਪਰ ਹੁਣ ਇਸ ਨੂੰ ਅਗਸਤ ਦੇ ਅੰਤ ਤੱਕ ਲਈ ਵਧਾ ਦਿੱਤਾ ਗਿਆ ਹੈ।
