ਚੋਣ ਪ੍ਰਚਾਰ ਦੌਰਾਨ ਅੱਜ ਹਾਊਸਿੰਗ ਅਤੇ ਸੀਨੀਅਰਸ ਲਈ ਵਧੇਰੇ ਪੈਸੇ ਤੋਂ ਇਲਾਵਾ 'ਗਿਗ' ਵਰਕਰਾਂ ਦੀ ਮਦਦ ਦੇ ਕੀਤੇ ਜਾ ਰਹੇ ਵਾਅਦੇ

ਕੈਨੇਡਾ 'ਚ ਚੋਣ ਪ੍ਰਚਾਰ ਜ਼ੋਰਾਂ ਨਾਲ ਜਾਰੀ ਹੈ।

ਅੱਜ ਕੰਜ਼ਰਵੇਟਿਵ ਲੀਡਰ ਐਰਿਨ ਓ'ਟੂਲ ਨੇ ਚੋਣ ਪ੍ਰਚਾਰ ਦੌਰਾਨ ਔਟਵਾ ਪਹੁੰਚ ਕੀਤੀ।

ਉਨ੍ਹਾਂ ਵਾਅਦਾ ਕੀਤਾ ਕਿ ਕੰਜ਼ਰਵੇਟਿਵ ਸਰਕਾਰ ਗਿਗ ਵਰਕਰਾਂ ਦੇ ਲਈ ਟੈਕਸ ਫਰੀ ਸੇਵਿੰਗਸ ਅਕਾਊਂਟ ਸਥਾਪਿਤ ਕਰੇਗੀ।

ਉਨ੍ਹਾਂ ਕਿਹਾ ਕਿ ਇਸ ਨਾਲ ਇੰਸ਼ੋਰੈਂਸ ਲਾਭ ਵੀ ਹੋਣਗੇ ਅਤੇ ਕੈਨੇਡਾ ਪੈਨਸ਼ਨ ਪਲੈਨ ਦਾ ਲਾਭ ਵੀ ਹਾਸਿਲ ਹੋਵੇਗਾ।

ਉਨ੍ਹਾਂ ਕਿਹਾ ਕਿ ਇਸ ਨਾਲ ਐਂਪਲਾਈ ਸੇਵਿੰਗਸ ਅਕਾਊਂਟ 'ਚ ਪੈਸੇ 'ਚ ਬਿਨਾ ਟੈਕਸ ਦੇ ਵਾਧਾ ਹੋਵੇਗਾ।

ਟਰੂਡੋ ਨੇ ਕਿਊਬੈਕ ਸਿਟੀ 'ਚ ਕੀਤਾ ਪ੍ਰਚਾਰ

ਲਿਬਰਲ ਲੀਡਰ ਜਸਟਿਨ ਟਰੂਡੋ ਨੇ ਅੱਜ ਚੋਣ ਪ੍ਰਚਾਰ ਦੌਰਾਨ ਕਿਊਬੈਕ ਸਿਟੀ ਪਹੁੰਚ ਕੀਤੀ।

ਇਸੇ ਦੌਰਾਨ ਉਨ੍ਹਾਂ ਵਾਅਦਾ ਕੀਤਾ ਕਿ ਜੇਕਰ ਲਿਬਰ ਸਰਕਾਰ ਸੱਤਾ ਸੰਭਾਲਦੀ ਹੈ ਤਾਂ ਸਿੰਗਲ ਸੀਨੀਅਰਸ ਲਈ ਗ੍ਰੰਟੀਡ ਇੰਕਮ ਸਪਲੀਮੈਂਟ (guaranteed income supplement) ਨੂੰ $500 ਤਕ ਵਧਾਇਆ ਜਾਵੇਗਾ ਜਦਕਿ ਸੀਨੀਅਰ ਜੋੜਿਆਂ ਲਈ ਇਸ ਨੂੰ $750 ਤਕ ਵਧਾਇਆ ਜਾਵੇਗਾ।

ਜਗਮੀਤ ਸਿੰਘ ਵਿਨੀਪੈਗ 'ਚ ਕਰ ਰਹੇ ਪ੍ਰਚਾਰ

ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਨੇ ਅੱਜ ਕਿਹਾ ਹੈ ਕਿ ਜੇਕਰ ਉਨ੍ਹਾਂ ਦੀ ਪਾਰਟੀ ਸਰਕਾਰ ਬਣਾਉਂਦੀ ਹੈ ਤਾਂ ਉਹ ਪਹਿਲੀ ਵਾਰ ਘਰ ਖਰੀਦਣ ਵਾਲਿਆਂ ਦਾ ਟੈਕਸ ਕਰੈਡਿਟ ਦੁੱਗਣਾ ਕਰ ਦੇਣਗੇ ਅਤੇ ਇਸ ਨੂੰ ਰਿਬੇਟ 'ਚ ਤਬਦੀਲ ਕਰ ਦੇਣਗੇ।

ਉਨ੍ਹਾਂ ਕਿਹਾ ਕਿ ਐਨ.ਡੀ.ਪੀ. ਸਰਕਾਰ ਹਾਊਸਿੰਗ ਵਿੱਚੋਂ ਵੱਡਾ ਪੈਸੇ ਕੱਢੇਗੀ ਅਤੇ ਵਿਦੇਸ਼ੀ ਖਰੀਦਦਾਰਾਂ 'ਤੇ ਵਧੇਰੇ ਟੈਕਸ ਲਗਾਵੇਗੀ।