17.12C Vancouver 17.12C VancouverMay 12, 2020 3:23 PM -
ਫੈਡਰਲ ਸਰਕਾਰ ਕੋਵਿਡ-19 ਦੇ ਚਲਦਿਆਂ ਬਜ਼ੁਰਗਾਂ ਦੇ ਵਿੱਤੀ ਸਹਿਯੋਗ ਲਈ ਇੱਕ ਵਾਰ ਦਿੱਤੀ ਜਾਣ ਵਾਲੀ, ਟੈਕਸ ਮੁਕਤ ਰਕਮ ਮੁਹਈਆ ਕਰਵਾਉਣ ਜਾ ਰਹੀ ਹੈ।
ਸੀਨੀਰੀਅਜ਼ ਮਨਿਸਟਰ ਡੈਬ ਸ਼ੂਲਟ ਮੁਤਾਬਕ ਜਿਹੜੇ ਬਜ਼ੁਰਗਾਂ ਨੂੰ ਓਲਡ ਏਜ ਸਿਕਿਓਰਿਟੀ ਮਿਲਦੀ ਹੈ, ਉਹਨਾਂ ਨੂੰ $300 ਦਿੱਤੇ ਜਾਣਗੇ ਅਤੇ ਜਿਨ੍ਹਾਂ ਕੋਲ ਗਾਰੰਟੀਡ ਇਨਕਮ ਸਪਲੀਮੈਂਟ ਆਉਂਦੀ ਹੈ, ਉਹਨਾਂ ਨੂੰ $200 ਮੁਹੱਈਆ ਕਰਵਾਏ ਜਾਣਗੇ।
ਸ਼ੂਲਟ ਅਨੁਸਾਰ 6.7 ਮਿਲੀਅਨ ਬਜ਼ੁਰਗਾਂ ਨੂੰ $2.5 ਬਿਲੀਅਨ ਦਾ ਸਹਿਯੋਗ ਉਪਲੱਬਧ ਕਰਵਾਇਆ ਜਾ ਰਿਹਾ ਹੈ।
ਉਨ੍ਹਾਂ ਮੁਤਾਬਕ ਕੋਵਿਡ-19 ਮਹਾਂਮਾਰੀ ਦੇ ਚੱਲਦਿਆਂ ਵੱਡੀ ਗਿਣਤੀ ਵਿੱਚ ਬਜ਼ੁਰਗਾਂ ਦੇ ਖ਼ਰਚਿਆਂ ਵਿੱਚ ਦਵਾਈਆਂ ਦੀ ਡਿਸਪੈਂਸਿੰਗ ਫੀਸ ਅਤੇ ਖਾਣ ਪੀਣ ਦੀਆਂ ਚੀਜ਼ਾਂ ਦੀ ਡਿਲਵਰੀ ਫੀਸ ਕਾਰਣ ਵਾਧਾ ਹੋਇਆ ਹੈ।
ਉਹਨਾਂ ਇਹ ਵੀ ਕਿਹਾ ਕਿ ਮਹਾਂਮਾਰੀ ਦੇ ਸਟਾਕ ਮਾਰਕੀਟ ਉੱਤੇ ਹੋਏ ਅਸਰ ਕਾਰਣ ਬਜ਼ੁਰਗਾਂ ਦੀ ਸੇਵਿੰਗ ਉੱਤੇ ਪ੍ਰਭਾਵ ਪਿਆ ਹੈ।
ਸਰਕਾਰ ਨੇ ਇਹ ਐਲਾਨ ਵੀ ਕੀਤਾ ਹੈ ਕਿ ਜੋ ਬਜ਼ੁਰਗ ਆਪਣੇ ਟੈਕਸਾਂ ਦਾ ਭੁਗਤਾਨ ਸਮੇਂ ਸਿਰ ਨਹੀਂ ਕਰ ਪਾਉਣਗੇ, ਉਨ੍ਹਾਂ ਦੀਆਂ ਓ.ਏ.ਐੱਸ. ਅਤੇ ਜੀ.ਆਈ.ਐੱਸ ਪੇਮੈਂਟਾਂ ਰੱਦ ਨਹੀਂ ਕੀਤੀਆਂ ਜਾਣਗੀਆਂ।
