10.86C Vancouver 10.86C VancouverNov 7, 2023 9:02 PM - The Canadian Press
ਕੈਨੇਡਾ ਸਰਕਾਰ ਨੇ ਹਾਊਸਿੰਗ ਸੰਕਟ ਨਾਲ ਨਜਿੱਠਣ ਲਈ ਨਵੇਂ ਕਦਮਾਂ ਦੀ ਘੋਸ਼ਣਾ ਕੀਤੀ ਹੈ।
ਫੈਡਰਲ ਸਰਕਾਰ ਦਾ ਕਹਿਣਾ ਹੈ ਕਿ ਉਹ ਦੇਸ਼ ਭਰ ਦੇ ਸ਼ਹਿਰਾਂ ਵਿੱਚ ਆਪਣੀਆਂ ਜਾਇਦਾਦਾਂ 'ਤੇ 2,800 ਤੋਂ ਵੱਧ ਘਰ ਬਣਾਏਗੀ, ਅਗਲੇ ਛੇ ਸਾਲਾਂ ਵਿੱਚ ਜਨਤਕ ਜ਼ਮੀਨਾਂ 'ਤੇ ਲਗਭਗ 30,000 ਦੇ ਕਰੀਬ ਘਰ ਬਣਾਏ ਜਾਣਗੇ।
ਪਬਲਿਕ ਸਰਵਿਸ ਮੰਤਰੀ ਜੀਨ-ਈਵ ਡਕਲੋਸ ਅਤੇ ਡਿਪਟੀ ਪ੍ਰਾਈਮ ਮਿਨਿਸਟਰ ਕ੍ਰਿਸਟੀਆ ਫ੍ਰੀਲੈਂਡ ਨੇ ਇਸ ਸਬੰਧੀ ਮੰਗਲਵਾਰ ਨੂੰ ਜਾਣਕਾਰੀ ਪ੍ਰਦਾਨ ਕੀਤੀ।
ਡਕਲੋਸ ਨੇ ਕਿਹਾ ਕਿ ਕੈਨੇਡਾ ਲੈਂਡਜ਼ ਕੰਪਨੀ ਅਗਲੇ 6 ਸਾਲਾਂ ਵਿੱਚ ਫੈਡਰਲ ਲੈਂਡਜ਼ 'ਤੇ 30 ਹਜ਼ਾਰ ਦੇ ਕਰੀਬ ਨਵੇਂ ਹਾਊਸਿੰਗ ਯੂਨਿਟਸ ਬਣਾਉਣ ਜਾ ਰਹੀ ਹੈ।
ਇਨ੍ਹਾਂ ਵਿੱਚੋਂ ਘੱਟੋ-ਘੱਟ 20 ਫੀਸਦੀ ਯੂਨਿਟਸ ਕਿਫਾਇਤੀ ਹਾਊਸਿੰਗ ਲਈ ਹੋਣਗੇ।
ਮਿਨਿਸਟਰ ਨੇ ਕਿਹਾ ਕਿ ਕੈਨੇਡਾ ਲੈਂਡਜ਼ ਕੰਪਨੀ ਮਾਰਚ 2024 ਤੱਕ 2,800 ਯੂਨਿਟਸ ਬਣਾਏਗੀ, ਜੋ ਕੈਲਗਰੀ, ਐਡਮਿੰਟਨ, ਸੇਂਟ ਜੌਹਨ ਅਤੇ ਔਟਵਾ ਸਮੇਤ ਵੱਖ-ਵੱਖ ਸ਼ਹਿਰਾਂ ਵਿੱਚ ਹੋਣਗੇ।
ਇਨ੍ਹਾਂ ਵਿੱਚੋਂ 300 ਯੂਨਿਟਸ ਕਿਫਾਇਤੀ ਹਾਊਸਿੰਗ ਲਈ ਬਣਨਗੇ।
ਗੌਰਤਲਬ ਹੈ ਕਿ ਕੈਨੇਡਾ ਮੋਰਗੇਜ ਅਤੇ ਹਾਊਸਿੰਗ ਕਾਰਪੋਰੇਸ਼ਨ ਦਾ ਕਹਿਣਾ ਹੈ ਕਿ ਸਮਰੱਥਾ ਨੂੰ ਬਹਾਲ ਕਰਨ ਲਈ ਕੈਨੇਡਾ ਨੂੰ 2030 ਤੱਕ ਵਾਧੂ 3.5 ਮਿਲੀਅਨ ਯੂਨਿਟਸ ਦੀ ਲੋੜ ਹੈ।
