15.43C Vancouver 15.43C VancouverSep 23, 2022 7:26 PM - The Canadian Press
ਬੀ.ਸੀ. 'ਚ ਚਾਈਲਡਕੇਅਰ ਫੀਸ 'ਚ ਗਿਰਾਵਟ ਵੇਖਣ ਨੂੰ ਮਿਲ ਸਕਦੀ ਹੈ।
ਇਸ ਸੰਬੰਧੀ ਜਾਣਕਾਰੀ ਸੂਬੇ ਦੀ ਸਿੱਖਿਆ ਅਤੇ ਚਾਈਲਡ ਕੇਅਰ ਮੰਤਰੀ ਜੈਨੀਫਰ ਵਾਈਟਸਾਈਡ ਨੇ ਸਾਂਝੀ ਕੀਤੀ ਹੈ।
ਲਾਈਸੈਂਸੀ ਚਾਈਲਡ ਕੇਅਰ ਅਤੇ ਕਿੰਡਰਗਾਰਟਨ ਜਾਂ ਉਸ ਤੋਂ ਛੋਟੇ ਬੱਚਿਆਂ ਲਈ ਇਸ ਦਿਸੰਬਰ ਤੋਂ ਚਾਈਲਡ ਕੇਅਰ ਦੀ ਕੀਮਤ $550 ਤਕ ਘਟ ਸਕਦੀ ਹੈ।
ਮੰਤਰੀ ਦਾ ਕਹਿਣਾ ਸੀ ਕਿ ਐਲੀਜੀਬਲ ਕੇਅਰ 'ਚ ਕਰੀਬ 96% ਪਰਿਵਾਰਾਂ ਜਾਂ ਕਰੀਬ 69,000 ਬੱਚਿਆਂ ਸੰਬੰਧੀ ਔਟੋਮੈਟਿਕਲੀ ਫੀਸਾਂ ਘਟ ਜਾਣਗੀਆਂ।
ਉਨ੍ਹਾਂ ਕਿਹਾ ਕਿ ਪਰਿਵਾਰਾਂ ਲਈ ਹੋਣ ਵਾਲੀ ਸੇਵਿੰਗ ਇਸ ਤੋਂ ਪਹਿਲਾਂ ਦੀ $350 ਪ੍ਰਤੀ ਮਹੀਨਾ ਦੀ ਗਰੁੱਪ ਕੇਅਰ 'ਚ ਸ਼ਾਮਿਲ 3 ਸਾਲ ਤੋਂ ਘਟ ਉਮਰ ਦੇ ਬੱਚਿਆਂ ਲਈ ਰਿਡਕਸ਼ਨ ਤੋਂ ਅਲਗ ਹੋਵੇਗੀ।
ਉਨ੍ਹਾਂ ਕਿਹਾ ਕਿ ਇਸ ਨਾਲ ਪ੍ਰਤੀ ਮਹੀਨਾ ਦੀ ਫੀਸ ਕਰੀਬ $900 ਘਟ ਜਾਵੇਗੀ।
ਵਾਈਟਸਾਈਡ ਨੇ ਕਿਹਾ ਕਿ ਜਿਹੜੇ ਬੱਚੇ ਕਿੰਡਰਗਾਰਟਨ ਤੋਂ ਅੱਗੇ ਜਾਂ ਪਿੱਛੇ ਚਾਈਲਡ ਕੇਅਰ ਹਾਸਿਲ ਕਰਦੇ ਹਨ, ਉਨ੍ਹਾਂ ਨੂੰ ਕਰੀਬ $220 ਦੇ ਕੱਟਸ ਵੇਖਣ ਨੂੰ ਮਿਲਣਗੇ।
ਮੰਤਰੀ ਨੇ ਕਿਹਾ ਕਿ ਇਨ੍ਹਾਂ ਰਿਡਕਸ਼ਨਸ ਦੇ ਨਾਲ ਚਾਈਲਡ ਕੇਅਰ ਦੀ ਔਸਤਨ ਰੋਜਾਨਾ ਕੀਮਤ ਸਰਕਾਰ ਦੇ ਸੱਤਾ 'ਚ ਆਉਣ ਦੇ ਸਾਲ 2018 ਮੁਕਾਬਲੇ ਇਸ ਸਾਲ ਦੇ ਅੰਤ ਤਕ $21 ਪ੍ਰਤੀ ਦਿਨ ਹੋ ਜਾਵੇਗੀ।
