ਬਹੁਤ ਘੱਟ ਕੈਨੇਡੀਅਨ ਸੰਭਾਵੀ ਐਨਡੀਪੀ ਲੀਡਰਸ਼ਿਪ ਦਾਅਵੇਦਾਰਾਂ ਤੋਂ ਜਾਣੂ ਹਨ: ਪੋਲ

ਕੈਨੇਡਾ ਦੀ ਰਾਜਨੀਤੀ ਵਿਚ ਜਗਮੀਤ ਸਿੰਘ ਸਮੇਂ ਦਮਖਮ ਰੱਖਣ ਵਾਲੀ ਐਨ.ਡੀ.ਪੀ. ਦੇ ਮੌਜੂਦਾ ਨੇਤਾਵਾਂ ਤੋਂ ਲੋਕਾਂ ਨੇ ਖੁਦ ਨੂੰ ਅਣਜਾਣ ਦੱਸਿਆ ਹੈ। ਨਵੇਂ ਸਰਵੇ ਵਿਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਜ਼ਿਆਦਾਤਰ ਕੈਨੇਡੀਅਨ ਇਹ ਨਹੀਂ ਜਾਣਦੇ ਕਿ ਐੱਨ.ਡੀ.ਪੀ. ਲੀਡਰਸ਼ਿਪ ਦੇ ਨੌਂ ਸੰਭਾਵੀ ਦਾਅਵੇਦਾਰ ਮੰਨੇ ਜਾਂਦੇ ਨੇਤਾ ਕੌਣ ਹਨ।

ਰਿਸਰਚ ਕੰਪਨੀ ਵਲੋਂ ਲੋਕਾਂ ਨੂੰ ਜਦੋਂ ਐਨ.ਡੀ.ਪੀ. ਦੇ ਸੰਸਦ ਮੈਂਬਰ ਹੀਥਰ ਮੈਕਫਰਸਨ, ਲੀਆਹ ਗਾਜ਼ਾਨ, ਗੋਰਡ ਜੌਨਸ ਅਤੇ ਜੈਨੀ ਕਵਾਨ ਬਾਰੇ ਪੁੱਛਿਆ ਗਿਆ ਤਾਂ ਜ਼ਿਆਦਾਤਰ ਨੇ ਕਿਹਾ ਕਿ ਉਹ ਇਨ੍ਹਾਂ ਨਹੀਂ ਜਾਣਦੇ ਕਿ ਇਹ ਵਿਅਕਤੀ ਕੌਣ ਹਨ। ਇਹੀ ਗੱਲ ਹਾਈ-ਪ੍ਰੋਫਾਈਲ ਨਿਊ ਡੈਮੋਕਰੇਟਸ ਬਾਰੇ ਵੀ ਸਾਹਮਣੇ ਆਈ, ਜਿਨ੍ਹਾਂ ਵਿਚ ਸਾਬਕਾ ਹਾਊਸ ਲੀਡਰ ਰੂਥ ਏਲਨ ਬ੍ਰੋਸੋ, ਵੈਨਕੂਵਰ ਦੇ ਸਾਬਕਾ ਮੇਅਰ ਕੈਨੇਡੀ ਸਟੀਵਾਰਟ ਅਤੇ ਫਿਲਮ ਨਿਰਮਾਤਾ ਅਵੀ ਲੇਵਿਸ ਸ਼ਾਮਲ ਸਨ।

ਸਰਵੇ ਵਿਚ ਕੁੱਲ ਮਿਲਾ ਕੇ ਬ੍ਰੋਸੋ ਨੂੰ 18 ਫੀਸਦੀ ਸਮਰਥਨ ਮਿਲਿਆ ਅਤੇ 22 ਫੀਸਦੀ ਨੇ ਕਿਹਾ ਕਿ ਉਹ ਕਵਾਨ ਨੂੰ ਐੱਨ.ਡੀ.ਪੀ. ਦੀ ਪ੍ਰਧਾਨਗੀ ਦੀ ਚੋਣ ਲੜਦੇ ਦੇਖਣਾ ਚਾਹੁੰਦੇ ਹਨ। ਰਿਸਰਚ ਕੰਪਨੀ ਵਲੋਂ ਇਹ ਸਰਵੇ 30 ਜੂਨ ਤੋਂ 2 ਜੁਲਾਈ ਵਿਚਕਾਰ ਆਨਲਾਈਨ ਕੀਤਾ ਗਿਆ, ਜਿਸ ਵਿਚ 1,001 ਲੋਕ ਸ਼ਾਮਲ ਹੋਏ ਸਨ।