11.3C Vancouver 11.3C VancouverOct 16, 2023 6:08 PM - The Canadian Press
ਇਜ਼ਰਾਈਲ ਅਤੇ ਹਮਾਸ ਵਿਚਾਲੇ ਚੱਲ ਰਹੀ ਜੰਗ ਵਿੱਚ ਇੱਕ ਹੋਰ ਕੈਨੇਡੀਅਨ ਦੀ ਮੌਤ ਦੀ ਪੁਸ਼ਟੀ ਕੀਤੀ ਹੈ।
ਇਸ ਭਿਆਨਕ ਯੁੱਧ ਵਿੱਚ ਮਰਨ ਵਾਲੇ ਪੰਜਵੇਂ ਕੈਨੇਡੀਅਨ ਦੀ ਮੌਤ ਹੋਈ ਹੈ।
ਗਲੋਬਲ ਅਫੇਅਰਜ਼ ਕੈਨੇਡਾ ਨੇ ਇਸਦੀ ਜਾਣਕਾਰੀ ਦਿੱਤੀ ਹੈ।
ਅਧਿਕਾਰੀਆਂ ਨੇ ਐਤਵਾਰ ਨੂੰ ਦੱਸਿਆ ਕਿ ਤਿੰਨ ਹੋਰ ਕੈਨੇਡੀਅਨਜ਼ ਜੋ 7 ਅਕਤੂਬਰ ਨੂੰ ਹਮਲੇ ਦੇ ਸਮੇਂ ਇਜ਼ਰਾਈਲ ਵਿੱਚ ਸਨ ਉਹ ਅਜੇ ਵੀ ਲਾਪਤਾ ਹਨ।
ਗਲੋਬਲ ਅਫੇਅਰਜ਼ ਨੇ ਨਿੱਜੀ ਕਾਰਨਾਂ ਦਾ ਹਵਾਲਾ ਦਿੰਦੇ ਹੋਏ ਮਰਨ ਵਾਲੇ ਪੰਜਵੇਂ ਵਿਅਕਤੀ ਬਾਰੇ ਜਾਂ ਜੋ ਲਾਪਤਾ ਹਨ ਉਨ੍ਹਾਂ ਬਾਰੇ ਕੋਈ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਹੈ।
ਇਜ਼ਰਾਈਲ ਵਿੱਚ 6,800 ਤੋਂ ਵੱਧ ਅਤੇ ਵੈਸਟ ਬੈਂਕ ਅਤੇ ਗਾਜ਼ਾ ਵਿੱਚ 450 ਤੋਂ ਵੱਧ ਕੈਨੇਡੀਅਨਜ਼ ਰਜਿਸਟਰਡ ਹਨ।
ਕੈਨੇਡਾ ਇਸ ਸਮੇਂ ਲਗਭਗ 3,300 ਸਥਾਈ ਨਿਵਾਸੀਆਂ,ਕੈਨੇਡੀਅਨਾਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਦੀ ਮਦਦ ਕਰ ਰਿਹਾ ਹੈ।
ਗਲੋਬਲ ਅਫੇਅਰਜ਼ ਕੈਨੇਡਾ ਦੀ ਸਹਾਇਕ ਡਿਪਟੀ ਮੰਤਰੀ ਜੂਲੀ ਸੰਡੇ ਨੇ ਔਟਵਾ ਵਿੱਚ ਪੱਤਰਕਾਰਾਂ ਨਾਲ ਗੱਲ ਕਰਦੇ ਕਿਹਾ ਕਿ ਅਸੀਂ ਤਿੰਨ ਲਾਪਤਾ ਵਿਅਕਤੀਆਂ ਦੇ ਮਾਮਲੇ ਨੂੰ ਹੱਲ ਕਰਨ 'ਤੇ ਬਹੁਤ ਫੋਕਸ ਕਰ ਰਹੇ ਹਾਂ, ਜਿਨ੍ਹਾਂ ਨੂੰ ਲੱਭਣ ਅਤੇ ਕੈਨੇਡਾ ਵਿੱਚ ਸੁਰੱਖਿਅਤ ਵਾਪਸ ਲਿਆਉਣ ਦੀਆਂ ਕੋਸ਼ਿਸ਼ਾਂ ਜਾਰੀ ਹਨ।
