ਫਿਲਮ ਨਿਰਮਾਤਾ ਅਤੇ ਪੱਤਰਕਾਰ ਅਵੀ ਲੁਈਸ ਐਨਡੀਪੀ ਲੀਡਰਸ਼ਿਪ ਦੌੜ ਵਿੱਚ ਹੋਣਗੇ ਸ਼ਾਮਲ

ਫੈਡਰਲ ਐਨ.ਡੀ.ਪੀ.ਲੀਡਰਸ਼ਿਪ ਲਈ ਫਿਲਮ ਨਿਰਮਾਤਾ ਅਤੇ ਪੱਤਰਕਾਰ ਅਵੀ ਲੁਈਸ ਵੱਲੋਂ ਚੋਣ ਲੜਨ ਸੰਬੰਧੀ ਅਧਿਕਾਰਤ ਤੌਰ 'ਤੇ ਐਲਾਨ ਕਰ ਸਕਦੇ ਹਨ। ਉਨ੍ਹਾਂ ਦੀ ਟੀਮ ਦਾ ਕਹਿਣਾ ਹੈ ਕਿ ਉਨ੍ਹਾਂ ਵੱਲੋਂ ਅੱਜ ਦੁਪਹਿਰ ਤੋਂ ਬਾਅਦ ਇਸ ਸੰਬੰਧੀ ਇੱਕ ਵੀਡੀਓ ਜਾਰੀ ਕਰਨ ਅਤੇ ਅਗਲੇ ਹਫ਼ਤੇ ਟੌਰਾਂਟੋ ਵਿੱਚ ਇੱਕ ਰਸਮੀ ਮੁਹਿੰਮ ਲਾਂਚ ਕਰਨ ਦੀ ਉਮੀਦ ਹੈ।

ਦੱਸ ਦੇਈਏ ਕਿ ਲੁਈਸ 2021 ਅਤੇ 2025 ਦੀਆਂ ਚੋਣਾਂ ਵਿੱਚ ਵੈਨਕੂਵਰ ਖੇਤਰ ਦੇ ਦੋ ਹਲਕਿਆਂ ਵਿੱਚ ਐਨਡੀਪੀ ਦੇ ਉਮੀਦਵਾਰ ਵਜੋਂ ਅਸਫਲ ਰਹੇ ਸਨ। ਉਨ੍ਹਾਂ ਦੇ ਦਾਦਾ ਡੇਵਿਡ ਲੇਵਿਸ ਫੈਡਰਲ ਐਨ.ਡੀ.ਪੀ ਦੀ ਸਥਾਪਨਾ ਕਰਨ ਵਾਲੇ ਮੈਂਬਰ ਅਤੇ ਸਾਬਕਾ ਨੇਤਾ ਸਨ।

ਉਨ੍ਹਾਂ ਦੇ ਪਿਤਾ ਸਟੀਫਨ ਲੁਈਸ ਓਨਟਾਰੀਓ ਐਨ.ਡੀ.ਪੀ. ਦੀ ਅਗਵਾਈ ਕਰਦੇ ਰਹੇ ਸਨ। ਅਪ੍ਰੈਲ ਦੀਆਂ ਚੋਣਾਂ ਵਿੱਚ ਪਾਰਟੀ ਨੂੰ ਸੱਤ ਸੀਟਾਂ ਘੱਟ ਮਿਲਣ ਤੋਂ ਬਾਅਦ ਜਗਮੀਤ ਸਿੰਘ ਨੇ ਨੇਤਾ ਵਜੋਂ ਅਸਤੀਫਾ ਦੇ ਦਿੱਤਾ ਸੀ,ਅਤੇ ਬੀ.ਸੀ.ਐਨ.ਡੀ.ਪੀ.ਦੇ ਸੰਸਦ ਮੈਂਬਰ ਡੌਨ ਡੇਵਿਸ ਇਸ ਸਮੇਂ ਅੰਤਰਿਮ ਨੇਤਾ ਵਜੋਂ ਸੇਵਾ ਨਿਭਾ ਰਹੇ ਹਨ।