19.19C Vancouver 19.19C VancouverNov 9, 2023 7:14 PM - The Canadian Press
ਕੈਨੇਡਾ ਸਰਕਾਰ ਵੱਲੋਂ ਮੁਲਕ ਦੇ ਵਿੱਤੀ ਸਟੇਟਸ ਬਾਰੇ ਇਸ ਮਹੀਨੇ ਦੇ ਆਖਰੀ ਹਫ਼ਤੇ ਵਿੱਚ ਅਪਡੇਟ ਜਾਰੀ ਕੀਤੀ ਜਾਵੇਗੀ।
ਵਿੱਤ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ 21 ਨਵੰਬਰ ਨੂੰ ਹਾਊਸ ਆਫ ਕਾਮਨਜ਼ ਵਿੱਚ ਫਾਲ ਆਰਥਿਕ ਬਿਆਨ ਦੇਣਗੇ।
ਇਸ ਦੌਰਾਨ ਉਨ੍ਹਾਂ ਵੱਲੋਂ ਹਾਊਸਿੰਗ ਅਤੇ ਸਮਰੱਥਾ ਬਾਰੇ ਵੀ ਜਾਣਕਾਰੀ ਦਿੱਤੀ ਜਾਵੇਗੀ।
24 ਅਕਤੂਬਰ ਨੂੰ ਉਨ੍ਹਾਂ ਪ੍ਰੈੱਸ ਕਾਨਫਰੰਸ ਵਿੱਚ ਇਹ ਗੱਲ ਆਖੀ ਸੀ ਕਿ ਵਿੱਤੀ ਤੌਰ 'ਤੇ ਜ਼ਿੰਮੇਵਾਰ ਫਰੇਮਵਰਕ ਵਿੱਚ ਰਹਿੰਦੇ ਹੋਏ ਸਰਕਾਰ ਹਾਊਸਿੰਗ ਅਤੇ ਸਮਰੱਥਾ ਲਈ ਕਦਮ ਚੁੱਕਣ ਦੀ ਕੋਸ਼ਿਸ਼ ਕਰੇਗੀ।
ਗੌਰਤਲਬ ਹੈ ਕਿ ਲਿਬਰਲਜ਼ ਹਾਊਸਿੰਗ ਸੰਕਟ ਨਾਲ ਨਜਿੱਠਣ ਦੀ ਕੋਸ਼ਿਸ਼ ਉਸ ਸਮੇਂ ਕਰ ਰਹੇ ਹਨ ਜਦੋਂ ਹਾਲ ਹੀ ਦੇ ਕਈ ਪੋਲ ਵਿੱਚ ਉਹ ਕੰਜ਼ਰਵੇਟਿਵ ਤੋਂ ਪਛੜੇ ਨਜ਼ਰ ਆ ਰਹੇ ਹਨ।
ਫਾਲ ਆਰਥਿਕ ਬਿਆਨ ਵਿੱਚ ਕੈਨੇਡੀਅਨ ਆਰਥਿਕਤਾ ਦੀ ਸਥਿਤੀ ਬਾਰੇ ਜਾਣਕਾਰੀ ਮਿਲੇਗੀ ਅਤੇ ਸਰਕਾਰ ਵੱਲੋਂ ਜੌਬਸ ਪੈਦਾ ਕਰਨ ਤੇ ਵਧੇਰੇ ਘਰ ਬਣਾਉਣ ਲਈ ਚੁੱਕੇ ਜਾ ਰਹੇ ਕਦਮਾਂ ਦਾ ਵੀ ਪਤਾ ਲੱਗੇਗਾ।
ਪਿਛਲੇ ਮਹੀਨੇ ਸੰਸਦੀ ਬਜਟ ਅਧਿਕਾਰੀ ਨੇ ਅੰਦਾਜ਼ਾ ਪ੍ਰਗਟ ਕੀਤਾ ਸੀ ਕਿ ਸਰਕਾਰ ਦੀ ਆਮਦਨ ਵਿੱਚ ਹੌਲੀ ਵਾਧਾ ਅਤੇ ਖ਼ਰਚ ਵਧੇਰੇ ਹੋਣ ਦੇ ਚਲਦੇ ਫੈਡਰਲ ਘਾਟਾ ਵੱਧ ਕੇ $46.5 ਬਿਲੀਅਨ 'ਤੇ ਪਹੁੰਚ ਸਕਦਾ ਹੈ।
