22.18C Vancouver 22.18C VancouverJul 22, 2020 9:24 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ, ਹਾਊਸ ਆਫ ਕਾਮਨਜ਼ ਫਾਈਨੈਂਸ ਕਮੇਟੀ ਦੇ ਸਾਹਮਣੇ ਹਾਜ਼ਿਰ ਹੋਣਗੇ।
ਹਾਲਾਂਕਿ ਇਸ ਬਾਰੇ ਮਿਤੀ ਅਤੇ ਸਮੇਂ ਨੂੰ ਨਿਰਧਾਰਿਤ ਨਹੀਂ ਕੀਤਾ ਗਿਆ ਹੈ।
ਕਮੇਟੀ ਵੱਲੋਂ ਟਰੂਡੋ ਸਰਕਾਰ ਦੇ 'ਵੀ ਚੈਰਿਟੀ' ਨੂੰ $900 ਮਿਲੀਅਨ ਦੇ ਸਟੂਡੈਂਟ ਵੋਲੰਟੀਅਰ ਕੰਟਰੈਕਟ ਦੇ ਦਿੱਤੇ ਜਾਣ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਟਰੂਡੋ ਦੇ ਪਰਿਵਾਰ ਅਤੇ ਵਿੱਤ ਮੰਤਰੀ ਬਿਲ ਮੌਰਨਿਊ ਦੇ ਪਰਿਵਾਰ ਦੇ ਇਸ ਸੰਗਠਨ ਨਾਲ ਸੰਬੰਧ ਸਾਹਮਣੇ ਆਏ ਹਨ।
ਅੱਜ ਵਿੱਤ ਮੰਤਰੀ ਬਿਲ ਮੌਰਨਿਊ ਟੈਸਟੀਫਾਈ ਕਰਨ ਲਈ ਹਾਜ਼ਿਰ ਰਹੇ।
ਉਨ੍ਹਾਂ ਮੰਨਿਆ ਕਿ 'ਵੀ ਸੰਗਠਨ' ਨਾਲ ਸੰਬੰਧਤ ਕਿਸੇ ਮਨੁੱਖਤਾ ਸੰਬੰਧੀ ਕੰਮ ਲਈ ਸਾਲ 2017 'ਚ ਕੀਤੀ ਇਕੁਏਡੌਰ ਦੀ ਯਾਤਰਾ ਦੇ ਬਿੱਲ ਉਨ੍ਹਾਂ ਨਹੀਂ ਭਰੇ ਸਨ।
ਮੌਰਨਿਊ ਨੇ ਮੰਨਿਆ ਕਿ ਉਨ੍ਹਾਂ ਅੱਜ ਚੈਰਿਟੀ ਨੂੰ $41,000 ਦਾ ਚੈੱਕ ਭੇਜਿਆ ਹੈ, ਤਾਂ ਜੋ ਉਨ੍ਹਾਂ ਵੱਲੋਂ ਯਾਤਰਾ ਦੇ ਖਰਚੇ ਦੀ ਭਰਪਾਈ ਕੀਤੀ ਜਾਵੇ।
