19.86C Vancouver 19.86C VancouverJun 18, 2024 4:30 PM - The Canadian Press
ਬੀ.ਸੀ. ਵਿਚ ਗੈਰ-ਕਾਨੂੰਨੀ ਤਰੀਕੇ ਨਾਲ ਸ਼ਿਕਾਰ ਕਰਨ ਅਤੇ ਮੱਛੀਆਂ ਫੜਨ ਵਾਲਿਆਂ ਲਈ ਜੁਰਮਾਨਾ ਦੁੱਗਣਾ ਕਰ ਦਿੱਤਾ ਗਿਆ ਹੈ। ਮੰਗਲਵਾਰ ਤੋਂ ਲਾਗੂ ਨਵੇਂ ਨਿਯਮ ਮੁਤਾਬਕ ਜੇਕਰ ਕਿਸੇ ਨੂੰ ਗਲਤ ਤਰੀਕੇ ਨਾਲ ਜੰਗਲੀ ਜਾਨਵਰਾਂ ਨੂੰ ਸ਼ਿਕਾਰ ਕਰਦਿਆਂ ਫੜਿਆ ਗਿਆ ਤਾਂ ਉਸ ਨੂੰ ਜੰਗਲੀ ਜੀਵ ਐਕਟ ਤਹਿਤ $345 ਤੋਂ $1,495 ਤੱਕ ਦਾ ਜੁਰਮਾਨਾ ਹੋ ਸਕਦਾ ਹੈ।
ਹੁਣ ਤੱਕ ਇਹ ਜੁਰਮਾਨਾ $115 ਤੋਂ $575 ਦਾ ਰਿਹਾ ਹੈ। ਪਹਿਲੀ ਵਾਰ ਸਰਕਾਰ ਵਲੋਂ ਇੰਨਾ ਭਾਰੀ ਜੁਰਮਾਨਾ ਰੱਖਿਆ ਗਿਆ ਹੈ। ਜੰਗਲਾਤ ਵਿਭਾਗ ਮੁਤਾਬਕ ਇਹ ਜ਼ੁਰਮ ਘਟੇਗਾ। ਜੁਰਮਾਨੇ ਦੇ ਅਧੀਨ ਹੋਰ ਅਪਰਾਧਾਂ ਵਿਚ ਗੈਰ-ਕਾਨੂੰਨੀ ਫਸਾਉਣਾ, ਬਿਨਾਂ ਲਾਇਸੈਂਸ ਦੇ ਸ਼ਿਕਾਰ ਕਰਨਾ ਜਾਂ ਐਂਗਲ ਕਰਨਾ, ਮਨਾਹੀ ਵਾਲੇ ਖੇਤਰਾਂ ਵਿਚ ਮੋਟਰ ਵਾਹਨ ਚਲਾਉਣਾ, ਰਿਹਾਇਸ਼ ਨੂੰ ਨੁਕਸਾਨ ਪਹੁੰਚਾਉਣਾ ਅਤੇ ਜੰਗਲੀ ਜੀਵਾਂ ਦੀ ਗੈਰ-ਕਾਨੂੰਨੀ ਤਸਕਰੀ ਸ਼ਾਮਲ ਹੈ।
ਸੂਬੇ ਮੁਤਾਬਕ ਜੰਗਲੀ ਜੀਵ ਐਕਟ ਤਹਿਤ 2023 ਵਿਚ 1,000 ਟਿਕਟ ਜਾਰੀ ਕਰਕੇ $200,000 ਤੋਂ ਵੱਧ ਜੁਰਮਾਨਾ ਇਕੱਠਾ ਕੀਤਾ ਗਿਆ ਸੀ। ਬੀ.ਸੀ. ਜੰਗਲੀ ਜੀਵ ਫੈਡਰੇਸ਼ਨ ਨੇ ਇਸ ਫੈਸਲੇ ਦਾ ਸਵਾਗਤ ਕੀਤਾ ਹੈ।
