ਬੀ. ਸੀ. ਦੇ ਲਿਟਨ ਨੇੜੇ ਅਚਾਨਕ ਸ਼ੁਰੂ ਹੋਈ ਜੰਗਲੀ ਅੱਗ ਨੂੰ ਕੀਤਾ ਗਿਆ ਕਾਬੂ

ਬੀ. ਸੀ. ਦੇ ਲਿਟਨ ਪਿੰਡ ਨੇੜੇ ਆਰ.ਸੀ.ਐਮ.ਪੀ.ਦੇ ਟ੍ਰੇਲਰ ਨਾਲ ਅਚਾਨਕ ਸ਼ੁਰੂ ਹੋਈ ਜੰਗਲ ਦੀ ਅੱਗ ਕਾਬੂ ਕਰ ਲਈ ਗਈ ਹੈ। ਬੀ.ਸੀ. ਵਾਈਲਡ ਫਾਇਰ ਸਰਵਿਸ ਨੇ ਕਿਹਾ ਕਿ ਹੁਣ ਇਸ ਅੱਗ ਦੇ ਫੈਲਣ ਦੀ ਸੰਭਾਵਨਾ ਨਹੀਂ ਹੈ।

ਏਜੰਸੀ ਨੇ ਕਿਹਾ ਕਿ ਲਿਟਨ ਦੇ ਨੌਰਥ ਵਿਚ ਇਜ਼ਮਾਨ ਕ੍ਰੀਕ ਦੀ ਜੰਗਲੀ ਅੱਗ ਫਾਇਰਫਾਈਟਰਜ਼ ਦੇ ਮਹੱਤਵਪੂਰਨ ਯਤਨਾਂ ਅਤੇ ਮੌਸਮ ਠੰਡਾ ਹੋਣ ਦੀ ਮਦਦ ਨਾਲ ਕਾਬੂ ਵਿਚ ਆਈ, ਇਸ ਸਮੇਂ ਇਹ ਸੂਬੇ ਵਿਚ ਇਕਲੌਤੀ ਅੱਗ ਸੀ ਜਿਸ ਨੂੰ ਪਬਲਿਕ ਸੇਫਟੀ ਲਈ ਖ਼ਤਰਾ ਮੰਨਿਆ ਗਿਆ ਸੀ।

ਇਹ ਅੱਗ 1 ਜੁਲਾਈ ਨੂੰ ਸ਼ੁਰੂ ਹੋਈ ਸੀ, ਜਦੋਂ ਉਸ ਅੱਗ ਦੀ ਚੌਥੀ ਵਰੇਗੰਢ ਸੀ, ਜਿਸ ਨੇ 2021 ਵਿਚ ਇਸ ਦੌਰਾਨ ਲਿਟਨ ਦੇ ਜ਼ਿਆਦਾਤਰ ਹਿੱਸੇ ਨੂੰ ਤਬਾਹ ਕਰ ਦਿੱਤਾ ਸੀ। ਬੀ.ਸੀ. ਵਾਈਲਡ ਫਾਇਰ ਸਰਵਿਸ ਨੇ ਕਿਹਾ ਕਿ ਉਸ ਦਾ ਅੱਗ ਬਝਾਊ ਅਮਲਾ ਮੌਕੇ 'ਤੇ ਹੀ ਰਹੇਗਾ। ਇਸ ਸਮੇਂ ਇਹ ਅੱਗ ਲਗਭਗ 240 ਹੈਕਟੇਅਰ ਤੱਕ ਸੀਮਤ ਕੀਤੀ ਗਈ ਹੈ।