ਉੱਤਰੀ ਐਲਬਰਟਾ ਵਿਚ ਜੰਗਲੀ ਅੱਗ ਬੁਝਾਉਣ ਗਏ ਫਸੇ ਫਾਇਰ ਫਾਈਟਰਜ਼ ਮਿਲੇ ਸੁਰੱਖਿਅਤ

ਉੱਤਰੀ ਐਲਬਰਟਾ ਵਿਚ ਜੰਗਲੀ ਅੱਗ ਨਾਲ ਜੂਝ ਰਹੇ ਫਾਇਰ ਫਾਈਟਰਜ਼ ਫੋਰਟ ਮੈਕਮਰੀ ਵਿਚ ਫਸ ਗਏ ਸਨ, ਜਿਨ੍ਹਾਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ ਹੈ। ਫਾਇਰ ਫਾਈਟਰਜ਼ ਦਾ ਰੇਡੀਓ ਨਾਲ ਸੰਪਰਕਕੱਟ ਜਾਣ ਕਾਰਨ ਉਨ੍ਹਾਂ ਨੂੰ ਅੱਗ ਤੋਂ ਬਚਾਅ ਲਈ ਸ਼ੈਲਟਰ ਲੈਣਾ ਪਿਆ ਸੀ। ਜੰਗਲਾਤ ਮੰਤਰੀ ਟੌਡ ਲੋਵੇਨ ਨੇ ਜਾਣਕਾਰੀ ਦਿੱਤੀ ਕਿ ਵੈਸਟ ਫੋਰਟ ਮੈਕਮਰੀ ਵਿਚ ਅੱਗ ਕਾਬੂ ਕਰਨ ਗਏ ਫਾਇਰ ਫਾਈਟਰਜ਼ ਦੀ ਮਦਦ ਲਈ ਦੋ ਹੋਰ ਟੀਮਾਂ ਭੇਜੀਆਂ ਗਈਆਂ ਹਨ ਅਤੇ ਉਹ ਸੁਰੱਖਿਅਤ ਬਚ ਗਏ ਹਨ।

ਇਸ ਤੋ ਪਹਿਲਾਂ ਸੋਸ਼ਲ ਮੀਡੀਆ 'ਤੇ ਦੱਸਿਆ ਗਿਆ ਸੀ ਕਿ ਚਿਪੇਵੀਅਨ ਲੇਕ ਦੇ ਲੋਕਲ ਫਾਇਰ ਸਟੇਸ਼ਨ ਨੇੜੇ ਅਤੇ ਸਕੂਲ ਵਿਚ ਜਾ ਕੇ ਜਾਨ ਬਚਾਈ। ਅੱਗ ਕਾਰਨ ਇੱਥੇ ਕਈ ਇਮਾਰਤਾਂ ਦਾ ਨੁਕਸਾਨ ਹੋਇਆ ਹੈ ਅਤੇ ਧੂੰਏਂ ਕਾਰਨ ਫਾਇਰ ਫਾਈਟਰਜ਼ ਨੂੰ ਕਾਫੀ ਪਰੇਸ਼ਾਨੀ ਹੋਈ। ਇਹ ਘਟਨਾ ਅਜਿਹੇ ਸਮੇਂ ਵਾਪਰੀ ਜਦ ਪ੍ਰੇਰੀ ਸੂਬਿਆਂ ਵਿਚ ਜੰਗਲੀ ਅੱਗ ਕਾਰਨ ਹਜ਼ਾਰਾਂ ਲੋਕਾਂ ਨੂੰ ਘਰ ਖਾਲੀ ਕਰਨੇ ਪਏ ਹਨ।