13.38C Vancouver 13.38C VancouverMay 3, 2021 5:30 PM -
ਵੈਨਕੂਵਰ ਦੇ ਵਿੱਚ ਲਗਾਤਾਰ ਦੂਜੇ ਸਾਲ 'ਸੈਲੀਬ੍ਰੇਸ਼ਨ ਆਫ ਲਾਈਟਸ ਫੈਸਟੀਵਲ' ਨੂੰ ਰੱਦ ਕੀਤਾ ਗਿਆ ਹੈ।
ਵੈਨਕੂਵਰ ਫਾਇਰ ਫੈਸਟੀਵਲ ਸੋਸਾਈਟੀ ਦਾ ਕਹਿਣਾ ਹੈ ਕਿ ਕੋਵਿਡ-19 ਪੈਂਡੈਮਿਕ ਕਾਰਨ ਬਣੇ ਹਾਲਾਤਾਂ ਵਿਚਾਲੇ ਇਸ ਫੈਸਟੀਵਲ ਨੂੰ ਰੱਦ ਕਰਨ ਦਾ ਫੈਸਲਾ ਲਿਆ ਗਿਆ ਹੈ।
ਇੱਕ ਬਿਆਨ 'ਚ ਸੋਸਾਈਟੀ ਦਾ ਕਹਿਣਾ ਹੈ ਕਿ ਇਹ ਫੈਸਟੀਵਲ ਅਗਲੇ ਸਾਲ ਵਾਪਸੀ ਕਰੇਗਾ।
ਇਸ ਦੇ ਲਈ ਮਿਤੀਆਂ ਦਾ ਐਲਾਨ ਹੁਣੇ ਹੀ ਕਰ ਦਿੱਤਾ ਗਿਆ ਹੈ।
ਅਗਲੇ ਸਾਲ 23, 27 ਅਤੇ 30 ਜੁਲਾਈ ਨੂੰ ਇਸ ਫੈਸਟੀਵਲ ਦਾ ਅਨੰਦ ਮਾਣਿਆ ਜਾ ਸਕੇਗਾ।
ਯਾਦ ਰਹੇ ਇਸ ਈਵੈਂਟ ਨੂੰ ਬੀਤੇ ਸਾਲ ਵੀ ਰੱਦ ਕੀਤਾ ਗਿਆ ਸੀ।
ਜੇਕਰ ਬੀਤੇ ਸਾਲ ਇਹ ਈਵੈਂਟ ਹੋ ਪਾਉਂਦਾ ਤਾਂ ਇਸ ਈਵੈਂਟ ਦੀ 30ਵੀਂ ਵਰ੍ਹੇਗੰਢ ਹੋਣੀ ਸੀ।
ਪ੍ਰਬੰਧਕਾਂ ਦਾ ਕਹਿਣਾ ਹੈ ਕਿ ਹੌਂਡਾ ਕੈਨੇਡਾ ਵੱਲੋਂ ਹੀ ਅਗਲੇ ਸਾਲ ਵੀ ਈਵੈਂਟ ਨੂੰ ਸਪੌਂਸਰ ਕੀਤਾ ਜਾਵੇਗਾ।
