8.07C Vancouver 8.07C VancouverFeb 24, 2026 6:26 PM -
ਬੀਤੇ ਸ਼ਨੀਵਾਰ ਅੰਤਰਰਾਸ਼ਟਰੀ ਮਾਂ ਬੋਲੀ ਦਿਵਸ ਸੀ। ਇਸ ਮੌਕੇ ਪੰਜਾਬੀ ਭਾਸ਼ਾ 'ਚ ਪਹਿਲੀ ਵਾਰ ਮੇਜਰ ਲੀਗ ਸੌਕਰ ਦੇ ਕਿਸੇ ਮੁਕਾਬਲੇ ਦੀ ਕਮੈਂਟਰੀ ਸੁਣਨ ਨੂੰ ਮਿਲੀ।
ਕਨੈਕਟ 91.5 ਐਫ.ਐਮ. 'ਤੇ ਵੈਨਕੂਵਰ ਵ੍ਹਾਈਟਕੈਪਸ ਦੇ ਮੁਕਾਬਲੇ ਦਾ ਸਿੱਧਾ ਪ੍ਰਸਾਰਣ ਸੁਣਨ ਨੂੰ ਮਿਲਿਆ।
ਮੁਕਾਬਲੇ ਤੋਂ ਇਲਾਵਾ ਇੱਕ ਪ੍ਰੀ-ਗੇਮ ਸ਼ੋਅ ਅਤੇ ਇੱਕ ਪੋਸਟ ਗੇਮ ਸ਼ੋਅ ਵੀ ਸੁਣਨ ਨੂੰ ਮਿਲਿਆ।
ਇਸ ਇਤਿਹਾਸਿਕ ਮੌਕੇ 'ਤੇ ਕਮੈਂਟਰੀ ਦੀ ਜਿੰਮੇਵਾਰੀ ਕਨੈਕਟ ਐਫ.ਐਮ. ਦੇ ਨਿਊਜ਼ ਡਾਇਰੈਕਟਰ ਪਰਵੇਜ਼ ਸੰਧੂ, ਯੁਵਾ ਕਮੈਂਟੇਟਰ ਜਗਰਾਜ ਲਾਲੀ ਅਤੇ ਸ਼ੁਭਮ ਅਰੋੜਾ ਨੇ ਸੰਭਾਲੀ।
ਖਾਸ ਗੱਲ ਇਹ ਹੈ ਕਿ ਇਹ ਪੰਜਾਬੀ ਕਮੈਂਟਰੀ ਦੀ ਪਾਰਟਨਰਸ਼ਿਪ ਕਨੈਕਟ ਐਫ.ਐਮ. ਅਤੇ ਵ੍ਹਾਈਟਕੈਪਸ ਵਿਚਾਲੇ ਇੱਕੋ ਮੁਕਾਬਲੇ ਦੀ ਨਹੀਂ ਸੀ ਸਗੋਂ ਇਹ ਪਾਰਟਨਰਸ਼ਿਪ ਪੂਰੇ ਸੀਜਨ ਦੀ ਹੈ ਅਤੇ ਕਨੈਕਟ ਐਫ.ਐਮ. ਵ੍ਹਾਈਟਕੈਪਸ ਦੇ ਸਾਰੇ 17 ਘਰੇਲੂ ਮੁਕਾਬਲਿਆਂ ਦਾ ਸਿੱਧਾ ਪ੍ਰਸਾਰਣ ਕਰੇਗਾ।
ਸ਼ਨੀਵਾਰ ਦੇ ਮੁਕਾਬਲੇ 'ਚ ਵ੍ਹਾਈਟਕੈਪਸ ਨੇ 1-0 ਨਾਲ ਜਿੱਤ ਦਰਜ ਕੀਤੀ।
ਵ੍ਹਾਈਟਕੈਪਸ ਦਾ ਅਗਲਾ ਘਰੇਲੂ ਮੁਕਾਬਲਾ ਆਉਂਦੇ ਸ਼ਨੀਵਾਰ 28 ਫਰਵਰੀ ਨੂੰ ਖੇਡਿਆ ਜਾਵੇਗਾ। ਇਸ ਦੌਰਾਨ ਵੀ ਮੁਕਾਬਲੇ ਦੀ ਕਮੈਂਟਰੀ ਪੰਜਾਬੀ ਦੇ ਵਿੱਚ ਕਨੈਕਟ ਐਫ.ਐਮ. 'ਤੇ ਸ਼ਾਮ 6 ਵਜੇ ਤੋਂ ਸੁਣਨ ਨੂੰ ਮਿਲੇਗੀ।
ਬੀਤੇ ਸ਼ਨੀਵਾਰ ਦੇ ਮੁਕਾਬਲੇ 'ਚ ਹੋਰ ਮੀਡੀਆ ਨੇ ਵੀ ਪਹੁੰਚ ਕਨੈਕਟ ਐਫ.ਐਮ. ਦੀ ਪੰਜਾਬੀ ਕਮੈਂਟਰੀ ਨੂੰ ਕਵਰ ਕੀਤਾ ਅਤੇ ਇਸ ਸੰਬੰਧੀ ਖਬਰ ਕੀਤੀ। ਉਸ ਨੂੰ ਵੇਖਣ ਲਈ ਹੇਠ ਦਿੱਤੇ ਲਿੰਕ ਕਲਿਕ ਕੀਤੇ ਜਾ ਸਕਦੇ ਹਨ।
