12.68C Vancouver 12.68C VancouverJun 16, 2021 8:59 PM -
ਯੂਨੀਅਨ ਆਫ ਬੀ.ਸੀ. ਇੰਡੀਅਨ ਚੀਫ਼ਸ ਨੇ ਕੋਸ਼ਿਸ਼ਾਂ ਆਰੰਭ ਦਿੱਤੀਆਂ ਹਨ ਕਿ ਇੱਕ ਮਨੁੱਖੀ ਅਧਿਕਾਰਾਂ ਦੇ ਮਾਮਲੇ 'ਚ ਇੰਟਰਵੀਨਰ ਦਾ ਦਰਜ ਹਾਸਿਲ ਕੀਤਾ ਜਾ ਸਕੇ।
ਪੂਰਾ ਮਾਮਲਾ ਵੈਨਕੂਵਰ ਪੁਲਿਸ ਵੱਲੋਂ ਇੱਕ ਇੰਡੀਜਨਸ ਵਿਅਕਤੀ ਅਤੇ ਉਸ ਦੀ ਪੋਤੀ ਨਾਲ ਕੀਤੇ ਗਏ ਵਿਵਹਾਰ ਨਾਲ ਸੰਬੰਧਤ ਹੈ।
ਇਹ ਦੋਵੇਂ ਇੱਕ ਬੈਂਕ 'ਚ ਖਾਤਾ ਖੋਲ੍ਹਣ ਦੀ ਕੋਸ਼ਿਸ਼ ਕਰ ਰਹੇ ਸਨ।
ਯੂਨੀਅਨ ਦੀ ਨੁਮਾਇੰਦਗੀ ਕਰਨ ਵਾਲੀ ਸਾਬਕਾ ਜੱਜ, ਮੇਰੀ ਐਲਨ ਟਰਪਲ ਲਾਫੌਂਡ ਦਾ ਕਹਿਣਾ ਹੈ ਕਿ ਸੰਗਠਨ ਮੈਕਸਵੈਲ ਜੌਨਸਨ ਦੇ ਮਾਮਲੇ 'ਚ ਆਵਾਜ਼ ਬੁਲੰਦ ਕਰਨਾ ਚਾਹੁੰਦਾ ਹੈ ਤਾਂ ਜੋ ਵੈਨਕੂਵਰ ਪੁਲਿਸ ਵੱਲੋਂ ਇੰਡੀਜਨਸ ਲੋਕਾਂ ਖਿਲਾਫ਼ ਸਿਸਟਮਿਕ ਨਸਲਵਾਦ ਦੇ ਇਤਿਹਾਸ ਨੂੰ ਉਜਾਗਰ ਕੀਤਾ ਜਾ ਸਕੇ।
ਜੌਨਸਨ ਦਾ ਕਹਿਣਾ ਹੈ ਕਿ ਉਹ ਆਪਣੀ 12 ਸਾਲਾ ਪੋਤੀ ਨਾਲ ਦਿਸੰਬਰ 2019 'ਚ ਬੈਂਕ ਆਫ ਮੌਂਟਰੀਅਲ 'ਚ ਖਾਤਾ ਖੁਲਵਾਉਣ ਲਈ ਪਹੁੰਚੇ ਸਨ ਜਦ ਵੈਨਕੂਵਰ ਪੁਲਿਸ ਦੇ ਅਫ਼ਸਰਾਂ ਨੂੰ ਸੱਦ ਲਿਆ ਗਿਆ ਸੀ।
ਉਨ੍ਹਾਂ ਨੇ ਆਪਣੀ ਸ਼ਿਕਾਇਤ 'ਚ ਦੱਸਿਆ ਹੈ ਕਿ ਬੈਂਕ ਨੇ ਉਨ੍ਹਾਂ ਦੀ ਆਈਡੈਂਟੀਫਿਕੇਸ਼ਨ ਦੇ ਬਾਰੇ ਸਵਾਲ ਚੁੱਕਦਿਆਂ ਪੁਲਿਸ ਨੂੰ ਬੁਲਾਇਆ ਸੀ।
ਉਨ੍ਹਾਂ ਪੁਲਿਸ 'ਤੇ ਰੇਸ਼ੀਅਲ ਪ੍ਰੋਫਾਈਲਿੰਗ ਦੇ ਇਲਜ਼ਾਮ ਲਗਾਏ ਹਨ।
ਜੌਨਸਨ ਨੂੰ ਉਨ੍ਹਾਂ ਦੀ ਪੋਤੀ ਦੇ ਸਾਹਮਣੇ ਹੱਥਕੜੀਆਂ ਲਗਾਈਆਂ ਗਈਆਂ ਸਨ।
