20.11C Vancouver 20.11C VancouverDec 28, 2020 3:48 PM -
ਬ੍ਰਿਟਿਸ਼ ਕੋਲੰਬੀਆ ਵਿੱਚ ਕੋਵਿਡ -19 ਦੇ ਯੂ.ਕੇ. ਵਾਲੇ ਨਵੇਂ ਰੂਪਾਂਤਰ (variant) ਦੇ ਪਹਿਲੇ ਮਾਮਲੇ ਦੀ ਪੁਸ਼ਟੀ ਹੋਈ ਹੈ।
ਪੀੜਤ ਵਿਅਕਤੀ ਵੈਨਕੂਵਰ ਆਈਲੈਂਡ ਦਾ ਵਸਨੀਕ ਹੈ ਜੋ ਕਿ 15 ਦਸੰਬਰ ਨੂੰ ਯੂ.ਕੇ. ਤੋਂ ਵਾਪਿਸ ਆਇਆ ਸੀ ਅਤੇ ਲਾਜ਼ਮੀ ਇਕਾਂਤਵਾਸ ਵਿਚ ਰਹਿੰਦੇ ਸਮੇਂ ਉਸ ਵਿੱਚ ਕੋਵਿਡ -19 ਦੇ ਲੱਛਣ ਸਾਹਮਣੇ ਆਏ ਸਨ।
ਬੀ.ਸੀ. ਸੈਂਟਰ ਫਾਰ ਡਿਜ਼ੀਜ਼ ਕੰਟਰੋਲ ਵੱਲੋਂ ਯੂ.ਕੇ. ਤੋਂ ਆ ਰਹੇ ਸਾਰੇ ਮੁਸਾਫਰਾਂ ’ਤੇ ਵਾਇਰਸ ਦੇ ਨਵੇਂ ਰੂਪਾਂਤਰ ਦੇ ਲੱਛਣਾਂ ਲਈ ਨਿਗਰਾਨੀ ਰੱਖੀ ਜਾ ਰਹੀ ਹੈ।
ਸਿਹਤ ਅਧਿਕਾਰੀਆਂ ਮੁਤਾਬਕ ਵਾਇਰਸ ਦਾ ਇਹ ਨਵਾਂ ਰੂਪ ਕਿੰਨਾ ਖਤਰਨਾਕ ਹੈ ਇਸ ਗੱਲ ਦੀ ਪੁਸ਼ਟੀ ਫਿਲਹਾਲ ਨਹੀਂ ਕੀਤੀ ਜਾ ਸਕੀ ਪਰ ਯੂ.ਕੇ. ਦੇ ਵਿੱਚ ਇਸ ਦੇ ਬਹੁਤ ਤੇਜ਼ੀ ਨਾਲ ਫੈਲਣ ਦੇ ਮਾਮਲੇ ਸਾਹਮਣੇ ਆ ਚੁੱਕੇ ਹਨ।
ਵਾਇਰਸ ਦੇ ਨਵੇਂ ਰੂਪਾਂਤਰ ਦਾ ਇੱਕ ਮਾਮਲਾ ਐਤਵਾਰ ਨੂੰ ਔਟਵਾ ਇਲਾਕੇ ਵਿੱਚ ਵੀ ਸਾਹਮਣੇ ਆਇਆ ਹੈ
ਔਟਵਾ ਪਬਲਿਕ ਹੈਲਥ ਡਿਪਾਰਟਮੈਂਟ ਮੁਤਾਬਕ ਪੀੜਤ ਵਿਅਕਤੀ ਹਾਲ ਹੀ ਵਿੱਚ ਯੂ.ਕੇ. ਤੋਂ ਵਾਪਸ ਪਰਤਿਆ ਹੈ ਅਤੇ ਇਸ ਵਕਤ ਸੈਲਫ ਆਈਸੋਲੇਸ਼ਨ ਵਿੱਚ ਹੈ।
ਕੈਨੇਡਾ ਵਿੱਚ ਹੁਣ ਤੱਕ ਵਾਇਰਸ ਦੇ ਨਵੇਂ ਰੂਪ ਦੇ ਚਾਰ ਮਾਮਲਿਆਂ ਦੀ ਪੁਸ਼ਟੀ ਕੀਤੀ ਜਾ ਚੁੱਕੀ ਹੈ।
