75 ਥਾਵਾਂ 'ਤੇ ਵਿੱਢੀ ਗਈ 'ਫਿਟ ਇੰਡੀਆ ਫਰੀਡਮ ਰਨ 2 .0 ' ਮੁਹਿੰਮ: ਅਨੁਰਾਗ ਠਾਕੁਰ

'ਫਿਟ ਇੰਡੀਆ ਫਰੀਡਮ ਰਨ 2.0 ' ਨਾਂ ਦੀ ਮੁਹਿੰਮ ਵਿੱਢਦਿਆਂ, ਕੇਂਦਰੀ ਖੇਡ ਮੰਤਰੀ ਅਨੁਰਾਗ ਠਾਕੁਰ ਨੇ ਆਖਿਆ ਕਿ ਇਹ ਮੁਹਿੰਮ, ਮੁਲਕ ਵਿੱਚ 75 ਥਾਂਵਾਂ 'ਤੇ ਸ਼ੁਰੂ ਕੀਤੀ ਗਈ ਹੈ ਅਤੇ ਇਸ ਵੇਲੇ 7.5 ਕਰੋੜ ਲੋਕਾਂ ਦੇ ਇਸ ਵਿੱਚ ਸ਼ਾਮਲ ਹੋਣ ਦਾ ਅੰਦਾਜ਼ਾ ਹੈ।

ਅਨੁਰਾਗ ਠਾਕੁਰ ਨੇ ਆਖਿਆ,"ਆਜ਼ਾਦੀ ਕਾ ਅੰਮ੍ਰਿਤ ਮਹਾਂਉਤਸਵ ਮਨਾਉਣ ਲਈ, ਅਸੀਂ ਪੂਰੇ ਮੁਲਕ ਵਿੱਚ 'ਫਿਟ ਇੰਡੀਆ ਫਰੀਡਮ ਰਨ 2.0 ਸ਼ੁਰੂ ਕੀਤੀ ਹੈ। ਇਹ ਅੱਜ ਮੁਲਕ ਵਿੱਚ 75 ਥਾਵਾਂ 'ਤੇ ਵਿੱਢੀ ਗਈ ਹੈ। ਇਹ ਮੁਹਿੰਮ 2 ਅਕਤੂਬਰ ਤੱਕ ਚੱਲੇਗੀ। ਹਰ ਜ਼ਿਲੇ ਦੇ 75 ਪਿੰਡ ਇਸ ਵਿੱਚ ਹਿੱਸਾ ਲੈਣਗੇ। ਆਉਣ ਵਾਲੀ 2 ਅਕਤੂਬਰ ਤੱਕ, ਹਰ ਜ਼ਿਲੇ ਅਤੇ ਹਰ ਪਿੰਡ ਦੇ ਲੋਕ ਇਸ ਮੁਹਿੰਮ ਵਿੱਚ ਹਿੱਸਾ ਲੈਣਗੇ। ਪਿਛਲੀ ਵਾਰ, 5 ਕਰੋੜ ਲੋਕ ਸਾਡੇ ਨਾਲ ਜੁੜੇ ਸਨ ਅਤੇ ਇਸ ਵਾਰੀ 7.5 ਕਰੋੜ ਲੋਕ ਸਿੱਧੇ ਤੌਰ 'ਤੇ ਸਾਡੇ ਨਾਲ ਜੁੜਨਗੇ। ਮੈਨੂੰ ਉਮੀਦ ਹੈ ਕਿ ਮੁਹਿੰਮ ਦੇ ਅੱਗੇ ਵਧਣ ਦੇ ਨਾਲ-ਨਾਲ ਲੋਕਾਂ ਦੀ ਗਿਣਤੀ ਵੀ ਵਧੇਗੀ।"