ਵੈਨਕੂਵਰ ਫੈਸਟੀਵਲ 'ਚ 11 ਕਤਲਾਂ ਦੇ ਦੋਸ਼ੀ ਐਡਮ ਬਾਰੇ ਹੋਵੇਗੀ ਸੁਣਵਾਈ

ਲਾਪੂ ਲਾਪੂ ਡੇਅ ਫੈਸਟੀਵਲ ਤੇ ਆਪਣੀ ਗੱਡੀ ਉੱਥੇ ਮੌਜੂਦ ਲੋਕਾਂ 'ਤੇ ਚੜਾਉਣ ਲਈ ਚਾਰਜ ਹੋਏ ਵਿਅਕਤੀ ਨੂੰ ਅੱਜ ਕੋਰਟ 'ਚ ਪੇਸ਼ ਕੀਤਾ ਜਾਣਾ ਹੈ। 30 ਸਾਲਾ ਐਡਮ ਕਾਈ-ਜੀ ਲੋ 'ਤੇ ਸੈਕਿੰਡ ਡਿਗਰੀ ਮਰਡਰ ਲਈ 11 ਚਾਰਜ ਲਗਾਏ ਗਏ ਹਨ ਅਤੇ ਜੱਜ ਵਲੋਂ ਇਹ ਫੈਸਲਾ ਲਿਆ ਜਾਣਾ ਹੈ ਕਿ ਐਡਮ ਇਸ ਟਰਾਇਲ ਦੇ ਸਾਹਮਣਾ ਕਰਨ ਲਈ ਫਿਟ ਹੈ ਜਾਂ ਨਹੀਂ।

ਫਿਲੀਪੀਨੋ ਬੀ.ਸੀ. ਦੇ ਚੇਅਰ ਦਾ ਕਹਿਣਾ ਸੀ ਕਿ ਕੋਰਟ ਦੀ ਕਾਰਵਾਈ ਪੀੜਤ ਵਾਸਤੇ ਦੁਖਦਾਈ ਹੋਵੇਗੀ। ਹੋ ਸਕਦਾ ਹੈ ਕਿ ਕਈਆਂ ਨੂੰ ਗੁੱਸਾ ਵੀ ਆਵੇ। ਉਨ੍ਹਾਂ ਕਿਹਾ ਕਿ ਫਿਲੀਪੀਨੋ ਬੀ.ਸੀ. ਵਲੋਂ ਪੀੜਤਾਂ ਅਤੇ ਪੀੜਤ ਪਰਿਵਾਰਾਂ ਦੀ ਮਦਦ ਵਾਸੇ ਹਰ ਕਿਸਮ ਦੀ ਤਿਆਰੀ ਰੱਖੀ ਜਾਵੇਗੀ। 26 ਅਪ੍ਰੈਲ ਨੂੰ ਹੋਏ ਇਸ ਹਾਦਸੇ ਵਿੱਚ 11 ਲੋਕਾਂ ਦੀ ਮੌਤ ਹੋ ਗਈ ਸੀ।