ਕੈਲਗਰੀ ਪੁਲਿਸ ਨੇ ਕੈਸੀਨੋ ਵਿਚ ਧੋਖਾਧਖੀ ਦੇ ਦੋਸ਼ ਵਿੱਚ 5 ਵਿਅਕਤੀਆਂ ਨੂੰ ਕੀਤਾ ਗ੍ਰਿਫ਼ਤਾਰ

ਕੈਲਗਰੀ ਪੁਲਿਸ ਨੇ ਸਾਊਥ ਈਸਟ ਦੇ ਕੈਸੀਨੋ ਵਿਚ ਕਾਰਡ ਗੇਮ ਸਕੀਮ ਦੀ ਧੋਖਾਧੜੀ ਦੇ ਦੋਸ਼ ਵਿੱਚ 3 ਔਰਤਾਂ ਅਤੇ 2 ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ, ਜਿਨ੍ਹਾਂ ਵਿੱਚ ਦੋ ਕੈਸੀਨੋ ਵਰਕਰ ਸ਼ਾਮਲ ਹਨ। ਇਨ੍ਹਾਂ 'ਤੇ 31 ਅਕਤੂਬਰ ਤੋਂ 19 ਨਵੰਬਰ ਦੇ ਤਿੰਨ ਹਫ਼ਤਿਆਂ ਦੌਰਾਨ ਬਿਨਾਂ ਜਿੱਤਣ ਦੇ ਜੇਤੂ ਰਾਸ਼ੀ ਜਾਰੀ ਕਰਨ ਦਾ ਦੋਸ਼ ਹੈ। ਕੈਸੀਨੋ ਦੇ ਮੈਨੇਜਰ ਨੂੰ ਜਦ ਸ਼ੱਕੀ ਲੈਣ-ਦੇਣ ਬਾਰੇ ਪਤਾ ਲੱਗਾ ਤਾਂ ਉਸ ਨੇ ਪੁਲਿਸ ਨੂੰ ਜਾਂਚ ਲਈ ਬੁਲਾਇਆ।

ਸ਼ੱਕੀਆਂ ਦੀ ਪਛਾਣ ਯਾਲਾਨ ਯਿਨ,ਲਿਓਨੀਲੋ ਕੈਲਾਹੀ ਜੁਆਨ,ਰੁਈ ਕਿਨ ਹੁਆਂਗ,ਰੋਜ਼ੀਲਿਨ ਕੋਨੋ ਅਤੇ ਕੈਥਰੀਨ ਮਨੀਪੋਨ ਵਜੋਂ ਹੋਈ ਹੈ,ਜਿਨ੍ਹਾਂ ਦੀ ਉਮਰ 48 ਤੋਂ 57 ਸਾਲ ਵਿਚਕਾਰ ਹੈ।ਇਨ੍ਹਾਂ ਨੂੰ ਧੋਖਾਧੜੀ ਅਤੇ ਕ੍ਰਿਮੀਨਲ ਬ੍ਰੀਚ ਔਫ ਟਰੱਸਟ ਲਈ ਚਾਰਜ ਕੀਤਾ ਗਿਆ ਹੈ ਅਤੇ 22 ਦਸੰਬਰ ਨੂੰ ਅਦਾਲਤ ਵਿਚ ਪੇਸ਼ ਕੀਤਾ ਜਾਣਾ ਹੈ।