14.41C Vancouver 14.41C VancouverOct 1, 2021 10:24 PM -
ਬਰਨਬੀ ਆਰ.ਸੀ.ਐਮ.ਪੀ. ਨੇ ਜਾਣਕਾਰੀ ਦਿੱਤੀ ਹੈ ਕਿ ਇਸ ਸਾਲ ਸਿਤੰਬਰ ਦੇ ਮਹੀਨੇ ਦੌਰਾਨ ਟ੍ਰਾਂਸ ਮਾਊਂਟੇਨ ਪਾਈਪਲਾਈਨ ਸੰਬੰਧੀ ਪ੍ਰਦਰਸ਼ਨਾਂ ਦੇ ਚਲਦਿਆਂ 5 ਗ੍ਰਿਫਤਾਰੀਆਂ ਹੋਈਆਂ ਹਨ।
ਇਹ ਗ੍ਰਿਫਤਾਰੀਆਂ ਉਸ ਵੇਲੇ ਹੋਈਆਂ ਹਨ ਜਦ ਟ੍ਰਾਂਸ ਮਾਊਂਟੇਨ ਪਾਈਪਲਾਈਨ ਨਾਲ ਜੁੜੇ ਕੰਮ ਨੂੰ ਜਾਰੀ ਰੱਖਣ 'ਚ ਦਖਲ ਨਾ ਦੇਣ ਸੰਬੰਧੀ ਇਨਜੰਕਸ਼ਨ ਨਿਰਦੇਸ਼ ਜਾਰੀ ਹਨ।
ਜਿਹੜੇ 5 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ ਉਨ੍ਹਾਂ 'ਤੇ ਇਨਜੰਕਸ਼ਨ ਨਾਲ ਜੁੜੇ ਕ੍ਰਿਮੀਨਲ ਕੰਟੈਂਪਟ ਆਫ ਕੋਰਟ ਦੇ ਇਲਜਾਮ ਹਨ।
ਇਸ ਤੋਂ ਇਲਾਵਾ ਇੱਕ ਹੋਰ ਵਿਅਕਤੀ ਦੀ ਗ੍ਰਿਫਤਾਰੀ ਹੋਈ ਸੀ।
24 ਸਿਤੰਬਰ ਦੀ ਇੱਕ ਘਟਨਾ ਦੌਰਾਨ ਸੇਫਟੀ ਇੰਸੀਡੈਂਟ ਦੌਰਾਨ ਇੱਕ ਵਰਕਰ ਦੇ ਜਖਮੀ ਹੋਣ 'ਤੇ ਇਹ ਗ੍ਰਿਫਤਾਰੀ ਹੋਈ ਸੀ।
ਇਸ ਸਾਲ ਇਨਜੰਕਸ਼ਨ ਨਾਲ ਜੁੜੇ ਕੋਰਟ ਦੇ ਹੁਕਮਾਂ ਦੀ ਉਲੰਘਣਾ ਦੇ ਮਾਮਲੇ 'ਚ ਕੁੱਲ 8 ਗ੍ਰਿਫਤਾਰੀਆਂ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਬਰਨਬੀ ਆਰ.ਸੀ.ਐਮ.ਪੀ. ਨੇ ਯਾਦ ਦਵਾਇਆ ਹੈ ਕਿ ਕੋਰਟ ਦੇ ਨਿਰਦੇਸ਼ਾਂ ਅਨੁਸਾਰ ਇਨਜੰਕਸ਼ਨ ਲਾਗੂ ਕਰਨਾ ਉਨ੍ਹਾਂ ਦੀ ਡਿਊਟੀ ਦਾ ਹਿੱਸਾ ਹੈ।
