16.3C Vancouver 16.3C VancouverMar 14, 2024 7:34 PM - The Canadian Press
ਕੈਨੇਡਾ ਅਤੇ ਅਮਰੀਕਾ ਵਿਚ ਨਿਸ਼ਾਨ ਬ੍ਰਾਂਡ ਦੇ 5 ਤਰ੍ਹਾਂ ਦੇ ਹਜ਼ਾਰਾਂ ਏਅਰ ਫ੍ਰਾਈਰ ਵਾਪਸ ਮੰਗਵਾਏ ਜਾ ਰਹੇ ਹਨ। ਹੈਲਥ ਕੈਨੇਡਾ ਨੇ ਇਨ੍ਹਾਂ ਵਿਚ ਓਵਰਹੀਟਿੰਗ ਅਤੇ ਅੱਗ ਲੱਗਣ ਦਾ ਖਤਰਾ ਦੱਸਿਆ ਹੈ।
ਰੀਕਾਲ ਕੀਤੇ ਗਏ ਉਤਪਾਦਾਂ ਵਿਚ ਇਨਸਗਿਨੀਆ ਦੇ ਡਿਜ਼ੀਟਲ ਏਅਰ ਫ੍ਰਾਈਰ, ਐਨਾਲਾਗ, ਏਅਰ ਫ੍ਰਾਈਰ, ਡਿਜੀਟਲ ਏਅਰ ਫ੍ਰਾਈਰ ਓਵਨ ਸ਼ਾਮਲ ਹਨ, ਜਿਨ੍ਹਾਂ ਦੀ ਖਾਣਾ ਪਕਾਉਣ ਦੀ ਸਮਰੱਥਾ 3.4 ਤੋਂ 10 ਕੁਆਟਰ ਹੈ।
ਹੈਲਥ ਕੈਨੇਡਾ ਨੇ ਕਿਹਾ ਕਿ ਸੰਭਾਵਿਤ ਓਵਰਹੀਟਿੰਗ ਅਤੇ ਟੁੱਟਣ ਤੋਂ ਇਲਾਵਾ ਏਅਰ ਫ੍ਰਾਈਰ ਓਵਨ ਦੇ ਓਵਰਹੀਟ ਹੋਣ ’ਤੇ ਦਰਵਾਜ਼ੇ ਦੇ ਗਲਾਸ ਟੁੱਟ ਸਕਦੇ ਹਨ, ਜਿਸ ਨਾਲ ਅੱਗ ਵੀ ਲੱਗ ਸਕਦੀ ਹੈ। 20 ਫਰਵਰੀ, 2024 ਤੱਕ ਇਨਸਿਗਨੀਆ ਨੂੰ ਕੈਨੇਡਾ ਵਿਚ ਅਜਿਹੀਆਂ ਘਟਨਾਵਾਂ ਦੀਆਂ ਛੇ ਰਿਪੋਰਟਾਂ ਪ੍ਰਾਪਤ ਹੋਈਆਂ ਹਨ ਜਿਨ੍ਹਾਂ ਵਿਚ ਏਅਰ ਫ੍ਰਾਈਰ ਦੇ ਹੈਂਡਲ ਪਿਘਲ ਗਏ ਜਾਂ ਟੁੱਟ ਗਏ, ਇੱਕ ਏਅਰ ਫ੍ਰਾਈਰ ਓਵਨ ਦੇ ਸ਼ੀਸ਼ੇ ਟੁੱਟਣ ਦੀ ਵੀ ਘਟਨਾ ਵਾਪਰੀ ਪਰ ਹੁਣ ਤੱਕ ਇਸ ਕਾਰਨ ਕੋਈ ਜ਼ਖਮੀ ਹੋਣ ਦੀ ਖਬਰ ਨਹੀਂ।
ਪ੍ਰਭਾਵਿਤ ਉਤਪਾਦ ਸਤੰਬਰ 2021 ਤੋਂ ਨਵੰਬਰ 2023 ਤੱਕ ਵੇਚੇ ਗਏ ਸਨ। ਜਿਨ੍ਹਾਂ ਕੋਲ ਇਹ ਉਤਪਾਦ ਹਨ ਉਨ੍ਹਾਂ ਨੂੰ ਤਰੁੰਤ ਇਨ੍ਹਾਂ ਦਾ ਇਸਤੇਮਾਲ ਬੰਦ ਕਰਨ ਦੀ ਸਲਾਹ ਦਿੱਤੀ ਗਈ ਹੈ।
