ਐਡਮਿੰਟਨ ਵਿੱਚ ਐਸ.ਯੂ.ਵੀ. ਦੀ ਟੱਕਰ ਨਾਲ 5 ਸਾਲਾ ਬੱਚੇ ਦੀ ਮੌਤ

ਐਡਮਿੰਟਨ ਦੇ ਨੌਰਥ ਈਸਟ ਵਿਚ ਪੈਂਦੇ ਮੈਕਕੋਨਚੀ ਵਿਚ ਬੀਤੇ ਦਿਨ ਇਕ ਪੰਜ ਸਾਲਾ ਬੱਚਾ ਜੀਪ ਦੀ ਲਪੇਟ ਵਿੱਚ ਆ ਗਿਆ,ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ ।ਸੋਮਵਾਰ ਸਵੇਰੇ ਕਰੀਬ 10 ਵਜੇ ਇੱਕ ਰਿਹਾਇਸ਼ੀ ਕੰਪਲੈਕਸ ਦੀ ਪਾਰਕਿੰਗ ਤੋਂ ਜੀਪ ਚਿਰੋਕੀ ਬਾਹਰ ਨਿਕਲ ਰਹੀ ਸੀ ਅਤੇ ਉਸੇ ਸਮੇਂ ਬੱਚਾ ਫੁੱਟਪਾਥ 'ਤੇ ਦੌੜਦੇ ਹੋਏ ਡਿੱਗ ਗਿਆ ਅਤੇ ਜੀਪ ਨਾਲ ਟਕਰਾ ਗਿਆ

। ਬੱਚੇ ਨੂੰ ਹਸਪਤਾਲ ਲਿਜਾਇਆ ਗਿਆ ਪਰ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਜੀਪ ਨੂੰ 25 ਸਾਲਾ ਔਰਤ ਚਲਾ ਰਹੀ ਸੀ ਅਤੇ ਉਹ ਉੱਥੇ ਹੀ ਮੌਜੂਦ ਰਹੀ। ਜਾਂਚ ਅਧਿਕਾਰੀਆਂ ਮੁਤਾਬਕ ਸਪੀਡ ਜਾਂ ਅਲਕੋਹਲ ਕਾਰਨ ਇਹ ਟੱਕਰ ਨਹੀਂ ਹੋਈ।ਐਡਮਿੰਟਨ ਪੁਲਿਸ ਸਰਵਿਸ ਦਾ ਮੇਜਰ ਕੋਲਿਜ਼ਨ ਇਨਵੈਸਟੀਗੇਸ਼ਨ ਸੈਕਸ਼ਨ ਇਸ ਹਾਦਸੇ ਦੀ ਜਾਂਚ ਕਰ ਰਿਹਾ ਹੈ।