11.49C Vancouver 11.49C VancouverAug 4, 2021 4:41 PM -
ਕੈਨੇਡਾ ਦੇ ਨੈਸ਼ਨਲ ਬੱਜਟ ਵਾਚਡੋਗ ਦਾ ਕਹਿਣਾ ਹੈ ਕਿ ਕੈਨੇਡਾ ਦੇ ਲੌਂਗ ਟਰਮ ਕੇਅਰ ਸਿਸਟਮ ਨੂੰ ਦਰੁਸਤ ਕਰਨਾ ਬਹੁਤ ਮਹਿੰਗਾ ਪੈ ਸਕਦਾ ਹੈ।
ਅੱਜ ਸਵੇਰੇ ਪਾਰਲੀਮੈਂਟਰੀ ਬਜਟ ਅਫਸਰ ਵੱਲੋਂ ਜਾਰੀ ਕੀਤੀ ਗਈ ਰੀਪੋਰਟ ਵਿੱਚ ਅੰਦਾਜ਼ਾ ਲਗਾਇਆ ਗਿਆ ਹੈ ਕਿ ਵੇਟ ਲਿਸਟ ਨੂੰ ਖਤਮ ਕਰਨ, ਸਟਾਫ ਦੀਆਂ ਤਨਖਾਹਾਂ ਅਤੇ ਭੱਤਿਆਂ ਨੂੰ ਵਧਾਉਣ, ਰੋਜ਼ਾਨਾ ਕੀਤੀ ਜਾਂਦੀ ਦੇਖ ਰੇਖ ਨੂੰ ਵਧਾਉਣ ਅਤੇ ਹੋਮ ਕੇਅਰ ਵਿੱਚ ਵਿਸਥਾਰ ਕਰਨ ਤੇ ਕੁੱਲ $13.7 ਬਿਲੀਅਨ ਤਕ ਦਾ ਖਰਚਾ ਹੋ ਸਕਦਾ ਹੈ।
ਇਹ ਵਿਸ਼ਲੇਸ਼ਣ ਮਾਰਚ ਵਿੱਚ ਗ੍ਰੀਨ ਪਾਰਟੀ ਦੇ ਐਮ.ਪੀ. ਪੌਲ ਮੈਨਲੀ ਵੱਲੋਂ ਪੇਸ਼ ਕੀਤੇ ਮਤੇ ਤੋਂ ਬਾਅਦ ਕੀਤਾ ਗਿਆ ਸੀ।
ਇਸ ਸਿਸਟਮ ਵਿੱਚ ਪੇਸ਼ ਆ ਰਹੀਆਂ ਮੁਸ਼ਕਿਲਾਂ ਲੰਬੇ ਸਮੇਂ ਤੋਂ ਕਲਮਬੰਦ ਤਾਂ ਹੋ ਰਹੀਆਂ ਸਨ ਪਰ ਕੋਵਿਡ-19 ਦੇ ਦੌਰ ਵਿੱਚ ਉਸ ਸਮੇਂ ਸਾਹਮਣੇ ਆਈਆਂ ਜਦ ਪਹਿਲੀ ਅਤੇ ਦੂਸਰੀ ਵੇਵ ਦੌਰਾਨ ਇੱਥੇ ਰਹਿੰਦੇ ਲੋਕਾਂ ਦੀ ਵੱਡੀ ਗਿਣਤੀ ਵਿੱਚ ਮੌਤ ਹੋਣ ਲੱਗ ਪਈ।
ਰਾਇਰਸਨ ਨੈਸ਼ਨਲ ਇੰਸਟੀਟਿਊਟ ਔਨ ਏਜਿੰਗ ਦੇ ਮੁਤਾਬਿਕ ਕੋਵਿਡ-19 ਕਰਕੇ ਆਪਣੀ ਜਾਨ ਗਵਾਉਣ ਵਾਲੇ 26,555 ਲੋਕਾਂ ਵਿੱਚੋਂ 57% ਇਹਨਾਂ ਲੌਂਗ ਟਰਮ ਹੋਮਜ਼ ਵਿੱਚ ਰਹਿੰਦੇ ਸਨ।
ਇਸ ਬਹਾਰ ਵਿੱਚ ਆਈ ਤੀਸਰੀ ਵੇਵ ਥੋੜੀ ਘੱਟ ਘਾਤਕ ਰਹੀ ਕਿਉਂਕਿ ਇਹਨਾਂ ਵਿੱਚੋਂ ਬਹੁਤੇ ਲੋਕਾਂ ਦੇ ਵੈਕਸੀਨ ਲੱਗ ਚੁੱਕੀ ਸੀ।
