11.47C Vancouver 11.47C VancouverNov 30, 2021 5:36 PM - The Canadian Press
ਕੋਲਡਵਾਟਰ, ਕੋਕੁਈਹੱਲਾ, ਨਿਕੋਲਾ ਤੇ ਤੁਲਾਮੀਨ ਵਿੱਚ ਹੜ੍ਹ ਆਉਣ ਦੀ ਚਿਤਾਵਨੀ ਦਿੱਤੀ ਗਈ ਹੈ ਕਿਉਂਕਿ ਇਕ ਹਫ਼ਤੇ ਤੋਂ ਵੀ ਘੱਟ ਦੇ ਸਮੇਂ ਚ ਦੱਖਣੀ ਤੇ ਕੋਸਟਲ ਬੀ ਸੀ ਚ ਤੀਜੀ ਵਾਰੀ ਭਾਰੀ ਮੀਂਹ ਪੈਣ ਦੀ ਸੰਭਾਵਨਾ ਹੈ ।
ਨਵੰਬਰ ਦੇ ਸ਼ੁਰੂ ਚ ਦਰਿਆਵਾਂ ਦੇ ਚੜ੍ਹੇ ਪਾਣੀ ਕਾਰਨ ਕੰਢਿਆਂ ਤੇ ਵਸੇ ਸ਼ਹਿਰਾਂ ਤੇ ਕਸਬਿਆਂ ਜਿਨ੍ਹਾਂ ਚ ਮੈਰਿਟ, ਸਪੈਂਸਿਜ ਬ੍ਰਿਜ, ਪ੍ਰਿੰਸਟਨ ਅਤੇ ਹੋਪ ਸ਼ਾਮਲ ਸਨ, ਵਿੱਚ ਹੜ੍ਹਾਂ ਨਾਲ ਭਾਰੀ ਨੁਕਸਾਨ ਹੋਇਆ ਸੀ ।
ਐਬਟਸਫੋਰਡ ਵਿੱਚ ਸੁਮਸ ਦਰਿਆ ਚ ਹੜ੍ਹ ਦੀ ਚਿਤਾਵਨੀ ਵੀ ਅਜੇ ਬਰਕਰਾਰ ਹੈ ਜਿੱਥੇ ਕਿ ਹਾਈਵੇ 1 ਦੇ ਖਾਸ ਹਿੱਸੇ ਨੂੰ ਬਚਾਉਣ ਲਈ ਬਚਾਅ ਦਲ ਨੇ ਬੀਤੀ ਰਾਤ ਪੋਰਟੇਬਲ ਡੈਮ ਉਸਾਰਿਆ ਹੈ।
ਇਹ ਹਾਈਵੇਅ ਮੈਕੇਲਮ ਰੋਡ ਐਬਟਸਫੋਰਡ ਤੇ ਯੇਲ ਰੋਡ ਚਿੱਲਵਾਕ ਦਰਮਿਆਨ ਅਜੇ ਵੀ ਬੰਦ ਹੈ।
ਮੈਟਰੋ ਵੈਨਕੂਵਰ, ਫਰੇਜ਼ਰ ਵੈਲੀ, ਹੋ ਸਾਊਂਡ, ਵਿਸਲਰ ਤੇ ਸਨਸ਼ਾਈਨ ਕੋਸਟ ਵਿੱਚ ਪੰਜਾਹ ਤੋਂ ਸੌ ਮਿਲੀਮੀਟਰ ਅਤੇ ਸੈਂਟਰਲ ਕੋਸਟ ਤੇ ਵੈਨਕੂਵਰ ਆਈਲੈਂਡ ਦੇ ਕੁਝ ਹਿੱਸਿਆਂ ਚ ਬੁੱਧਵਾਰ ਤਕ ਦੋ ਸੌ ਮਿਲੀਮੀਟਰ ਮੀਂਹ ਪੈਣ ਦੀ ਸੰਭਾਵਨਾ ਹੈ।
