9.73C Vancouver 9.73C VancouverJul 4, 2022 8:16 PM - The Canadian Press
ਬੀ.ਸੀ. 'ਚ ਮੌਸਮ ਸੰਬੰਧੀ ਅਨੁਮਾਨ ਪੇਸ਼ ਕੀਤੇ ਜਾ ਰਹੇ ਹਨ ਕਿ ਇੱਕ ਮਹੀਨੇ 'ਚ ਪੈਣ ਵਾਲੀ ਬਾਰਿਸ਼ ਇੱਕੋ ਹਫ਼ਤੇ 'ਚ ਪੈ ਸਕਦੀ ਹੈ।
ਅੱਜ ਵੀ ਸੂਬੇ ਦੇ ਦੱਖਣੀ ਅਤੇ ਦੱਖਣਪੂਰਬੀ ਇਲਾਕਿਆਂ 'ਚ ਬਾਰਿਸ਼ ਦੀ ਸੰਭਾਵਨਾ ਦੱਸੀ ਗਈ ਹੈ।
ਰਿਵਰ ਫੋਰਕਾਸਟ ਸਿਸਟਮ ਵੱਲੋਂ ਕੈਲੋਨਾ ਦੇ ਮਿਸ਼ਨ ਕਰੀਕ 'ਚ ਹੜ੍ਹਾਂ ਸੰਬੰਧੀ ਸਾਵਧਾਨ ਕੀਤਾ ਗਿਆ ਹੈ।
ਅੱਜ ਤੇ ਕੱਲ ਦਰਮਿਆਨ ਇਸ ਇਲਾਕੇ 'ਚ ਕਰੀਕ ਦੇ ਪਾਣੀ 'ਚ ਹੋਰ ਵਾਧਾ ਹੋਣ ਦਾ ਖਤਰਾ ਦੱਸਿਆ ਗਿਆ ਹੈ।
ਇਸ ਤੋਂ ਇਲਾਵਾ ਸਿਕਮਸ ਕਰੀਕ ਮੋਬਾਈਲ ਹੋਮ ਪਾਰਕ ਲਈ ਇਵੈਕੂਏਸ਼ਨ ਐਲਰਟ ਜਾਰੀ ਕੀਤਾ ਗਿਆ ਹੈ।
ਨੇਚਾਕੋ, ਥਾਂਪਸਨ ਅਤੇ ਸਾਊਥ ਥਾਂਪਸਨ ਦਰਿਆਵਾਂ ਲਈ ਵੀ ਹੜ੍ਹਾਂ ਸੰਬੰਧੀ ਸਾਵਧਾਨ ਰਹਿਣ ਨੂੰ ਕਿਹਾ ਗਿਆ ਹੈ।
ਅੱਜ ਵੈਨਕੂਵਰ ਲਈ ਜਾਰੀ ਐਨਵਾਇਰਨਮੈਂਟ ਕੈਨੇਡਾ ਦੀ ਜਾਣਕਾਰੀ 'ਚ ਦੱਸਿਆ ਗਿਆ ਕਿ ਇਲਾਕੇ 'ਚ ਸੋਮਵਾਰ, ਮੰਗਲਵਾਰ, ਬੁੱਧਵਾਰ ਰਾਤ ਅਤੇ ਵੀਰਵਾਰ ਨੂੰ ਬਾਰਿਸ਼ ਦੀ ਸੰਭਾਵਨਾ ਹੈ।
