15.75C Vancouver 15.75C VancouverJan 10, 2025 4:07 PM - The Canadian Press
ਬੀ. ਸੀ. ਵਿਚ ਛੁੱਟੀਆਂ ਦੌਰਾਨ ਸਾਹ ਦੀਆਂ ਬੀਮਾਰੀਆਂ ਦੇ ਮਾਮਲਿਆਂ ਵਿਚ ਉਛਾਲ ਦੇਖਣ ਨੂੰ ਮਿਲਿਆ ਹੈ। ਸੂਬੇ ਦੇ ਰੋਗ ਨਿਯੰਤਰਣ ਕੇਂਦਰ ਮੁਤਾਬਕ ਕੈਨੇਡਾ ਭਰ ਵਿਚ ਇੱਥੇ ਇਸ ਤਰ੍ਹਾਂ ਦੇ ਮਾਮਲੇ ਸਭ ਤੋਂ ਵੱਧ ਦਰਜ ਹੋਏ ਹਨ। ਰਿਪੋਰਟ ਮੁਤਾਬਕ ਹਾਲਾਂਕਿ ਸੂਬੇ ਵਿਚ ਕੋਵਿਡ-19 ਦੇ ਮਾਮਲੇ ਕਾਫੀ ਘੱਟ ਦਰਜ ਹੋਏ ਹਨ।
ਡਾ. ਜੈਨੀਫਰ ਵਾਈਨਜ਼ ਮੁਤਾਬਕ ਆਰ.ਐਸ.ਵੀ. ਅਤੇ ਇਨਫਲੂਐਂਜ਼ਾ ਵਰਗੀਆਂ ਸਾਹ ਵਾਲੀਆਂ ਬੀਮਾਰੀਆਂ ਪਿਛਲੇ ਕੁਝ ਹਫਤਿਆਂ ਵਿਚ ਕਾਫੀ ਵੱਧ ਗਈਆਂ ਹਨ। ਪਿਛਲੇ ਹਫਤੇ ਇਨਫਲੂਐਂਜ਼ਾ ਲਈ ਜੋ ਟੈਸਟ ਲਏ ਗਏ ਸਨ ਉਨ੍ਹਾਂ ਵਿਚੋਂ 13.5 ਪੌਜ਼ੀਟਿਵ ਆਏ ਹਨ।
ਦੂਜੇ ਨੰਬਰ ’ਤੇ ਤਿੰਨ ਇਲਾਕੇ ਦੇ ਸਾਂਝੇ ਮਾਮਲੇ ਹਨ। ਬੀ. ਸੀ ਵਿਚ ਆਰ.ਐਸ.ਵੀ. ਦੇ ਪੌਜ਼ੀਟਿਵ ਮਾਮਲੇ 11.9 ਫੀਸਦੀ ਹਨ ਜਦਕਿ ਇਸ ਦਾ ਰਾਸ਼ਟਰੀ ਦਰ 10.7 ਫੀਸਦੀ ਹੈ। ਇਸ ਲਈ ਲੋਕਾਂ ਨੂੰ ਸਰਦੀ ਦੇ ਮੌਸਮ ਵਿਚ ਵਧੇਰੇ ਧਿਆਨ ਰੱਖਣ ਲਈ ਕਿਹਾ ਗਿਆ ਹੈ।
