12.55C Vancouver 12.55C VancouverMar 8, 2022 9:29 PM - The Canadian Press
ਬ੍ਰਿਟਿਸ਼ ਪਾਰਲੀਅਮੈਂਟ ਦੇ ਇਤਿਹਾਸ 'ਚ ਪਹਿਲੀ ਵਾਰ ਕਿਸੇ ਵਿਦੇਸ਼ੀ ਲੀਡਰ ਨੇ ਗੱਲਬਾਤ ਕੀਤੀ ਹੈ।
ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੇਮੀਰ ਜ਼ੈਲੈਂਸਕੀ ਨੇ ਬ੍ਰਿਟਿਸ਼ ਪਾਰਲੀਅਮੈਂਟ 'ਚ ਹਾਜਰੀ ਭਰੀ।
ਹਾਲਾਂਕਿ ਇਹ ਹਾਜਰੀ ਵਰਚੁਅਲ ਸੀ ਅਤੇ ਇੱਕ ਵੀਡੀਓ ਰਾਹੀਂ ਉਨ੍ਹਾਂ ਆਪਣੀ ਗੱਲਬਾਤ ਸਾਰੇ ਐਮ.ਪੀ.'ਸ ਨਾਲ ਸਾਂਝੀ ਕੀਤੀ।
ਇਸ ਮੌਕੇ ਉਨ੍ਹਾਂ ਜੰਗ ਦੇ ਸਮੇਂ ਦੇ ਪ੍ਰਧਾਨ ਮੰਤਰੀ ਵਿੰਸਟਨ ਚਰਚਿਲ ਦੇ 'ਨੈਵਰ ਸਰੰਡਰ' ਸਪੀਚ ਦਾ ਵੀ ਜਿਕਰ ਕੀਤਾ।
ਉਨ੍ਹਾਂ ਕਿਹਾ ਕਿ ਯੂਕਰੇਨ ਵੱਲੋਂ ਆਪਣੇ ਸ਼ਹਿਰਾਂ, ਖੇਤਾਂ ਤੇ ਦਰਿਆਵਾਂ ਦੇ ਅੰਤ ਤਕ ਰੂਸ ਦਾ ਮੁਕਾਬਲਾ ਕੀਤਾ ਜਾਵੇਗਾ।
ਉਨ੍ਹਾਂ ਬ੍ਰਿਟੇਨ ਨੂੰ ਵੀ ਅਪੀਲ ਕੀਤੀ ਕਿ ਰੂਸ 'ਤੇ ਪਬੰਦੀਆਂ ਲਗਾਉਣਾ ਜਾਰੀ ਰੱਖਿਆ ਜਾਵੇ ਅਤੇ ਰੂਸ ਨੂੰ ਅੱਤਵਾਦੀ ਦੇਸ਼ ਦਾ ਦਰਜਾ ਦਿੱਤਾ ਜਾਵੇ।
ਯਾਦ ਰਹੇ ਯੂਕਰੇਨ ਤੋਂ 2 ਮਿਲੀਅਨ ਨਾਗਰਿਕ ਦੇਸ਼ ਛੱਡ ਚੁੱਕੇ ਹਨ।
