16.61C Vancouver 16.61C VancouverJan 16, 2020 3:05 PM -
ਤੇਹਰਾਨ ਦੇ ਵਿੱਚ ਈਰਾਨੀ ਮਿਸਾਈਲ ਦਾ ਨਿਸ਼ਾਨਾ ਬਣ ਹਾਦਸਾਗ੍ਰਸਤ ਹੋਏ ਯੂਕ੍ਰੇਨੀਅਨ ਜਹਾਜ਼ ਦੇ ਮ੍ਰਿਤਕਾਂ ਦੇ ਪਰਿਵਾਰਾਂ ਨੂੰ ਨਿਆਂ ਅਤੇ ਵਿੱਤੀ ਮੁਆਵਜ਼ਾ ਦਿਵਾਉਣ ਦੇ ਮਕਸਦ ਨਾਲ ਫਾਰਨ ਅਫੇਅਰਜ਼ ਮਨਿਸਟਰ ਫਰਾਂਸੂਆ ਫਿਲੀਪ ਸ਼ੈਂਪੇਨ (Foreign Affairs Minister, Froncois-Philippe Champagne) ਲੰਡਨ ਵਿੱਚ ਕੈਨੇਡਾ ਹਾਊਸ (Canada House) ਵਿਖੇ ਅੱਜ ਇੱਕ ਮੀਟਿੰਗ ਦੀ ਅਗਵਾਈ ਕਰਨਗੇ।
ਜਹਾਜ਼ ਦੇ ਵਿੱਚ ਸਫਰ ਕਰ ਰਹੇ ਸਾਰੇ 176 ਯਾਤਰੀ ਮਾਰੇ ਗਏ ਸਨ ਜਿਨ੍ਹਾਂ ਵਿੱਚੋਂ 89 ਦੇ ਸੰਬੰਧ ਕੈਨੇਡਾ ਨਾਲ ਸਨ।
ਸ਼ੈਂਪੇਨ ਉਨ੍ਹਾਂ ਚਾਰ ਮੁਲਕਾਂ ਦੇ ਪ੍ਰਤੀਨਿਧੀਆਂ ਨੂੰ ਮਿਲਣਗੇ ਜਿਨ੍ਹਾਂ ਦੇ ਨਾਗਰਿਕ ਉਸ ਜਹਾਜ਼ ਤੇ ਸਫਰ ਕਰ ਰਹੇ ਸਨ, ਇਹਨਾਂ ਵਿੱਚ ਯੂਕਰੇਨ, ਸਵੀਡਨ, ਅਫਗਾਨਿਸਤਾਨ, ਅਤੇ ਯੂਨਾਈਟਿਡ ਕਿੰਗਡਮ ਸ਼ਾਮਿਲ ਹਨ।
ਮੀਟਿੰਗ ਦੀ ਸ਼ੁਰੂਆਤ ਕੁਝ ਪਲਾਂ ਦੇ ਮੌਨ ਤੋਂ ਕੀਤੀ ਜਾਵੇਗੀ।
ਟਰਾਂਸਪੋਰਟ ਮਨਿਸਟਰ ਮਾਰਕ ਗਾਰਨੋ (Transport Minister Marc Garneau) ਦਾ ਕਹਿਣਾ ਹੈ ਕਿ ਜਿੱਥੇ ਈਰਾਨ ਦੋ ਕੈਨੇਡੀਅਨ ਜਾਂਚ ਕਰਤਾਵਾਂ ਦਾ ਪੂਰਾ ਸਹਿਯੋਗ ਦੇ ਰਿਹਾ ਹੈ ਉੱਥੇ ਹੀ ਉਹ ਚਾਹੁੰਦੇ ਹਨ ਕਿ ਕੈਨੇਡਾ ਅਧਿਕਾਰਕ ਤੌਰ ਤੇ ਇਸ ਤੈਹਕੀਕਾਤ ਦਾ ਹਿੱਸਾ ਬਣੇ।
ਬੁੱਧਵਾਰ ਨੂੰ ਪ੍ਰਧਾਨ ਮੰਤਰੀ ਦੇ ਪਾਰਲੀਮੈਂਟਰੀ ਸੈਕਟਰੀ (parliamentary secretary) ਨੇ ਕਿਹਾ ਸੀ ਕਿ ਸਰਕਾਰ ਮ੍ਰਿਤਕਾਂ ਦੇ ਪਰਿਵਾਰਾਂ ਨੂੰ ਮੁਆਵਜ਼ਾ ਪ੍ਰਦਾਨ ਕਰਨ ਲਈ ਯਤਨਸ਼ੀਲ ਹੈ ਕਿਉਂਕਿ ਅੰਤਰਰਾਸ਼ਟਰੀ ਪ੍ਰਕਿਰਿਆ ਨੂੰ ਕਈ ਸਾਲ ਲੱਗ ਸਕਦੇ ਹਨ।
