10.83C Vancouver 10.83C VancouverJan 27, 2020 11:27 PM -
ਕੈਨੇਡਾ ਦੇ ਵਿਦੇਸ਼ ਮਾਮਲਿਆਂ ਬਾਰੇ ਮੰਤਰੀ, ਫਰੈਂਕੌਇਸ ਫਿਲਿਪ ਸ਼ੈਂਪੇਨ ਦਾ ਕਹਿਣਾ ਹੈ ਕਿ ਚੀਨ ਦੇ ਸ਼ਹਿਰ ਵੁਹਾਨ 'ਚ ਰਹਿੰਦੇ 8 ਕਨੇਡੀਅਨਸ ਨੇ ਸਰਕਾਰ ਤੋਂ ਮਦਦ ਦੀ ਮੰਗ ਕੀਤੀ ਹੈ।
ਉਨ੍ਹਾਂ ਕਿਹਾ ਕਿ, ਕੈਨੇਡਾ ਨੂੰ ਜਾਣਕਾਰੀ ਹੈ ਕਿ, 167 ਕਨੇਡੀਅਨ ਵੁਹਾਨ 'ਚ ਹਨ।
ਵੁਹਾਨ ਓਹੀ ਸ਼ਹਿਰ ਹੈ, ਜਿਥੇ ਕਿ ਕੋਰੋਨਾ ਵਾਇਰਸ ਦੀ ਸ਼ੁਰੂਆਤ ਹੋਈ ਮੰਨੀ ਜਾ ਰਹੀ ਹੈ।
ਚੀਨ ਨੇ ਸਖਤੀ ਨਾਲ 60million ਦੀ ਆਬਾਦੀ ਵਾਲੇ ਸੂਬੇ ਚੋਂ ਕਿਸੇ ਦੇ ਬਾਹਰ ਜਾਣ, ਜਾਂ ਕਿਸੇ ਦੇ ਅੰਦਰ ਆਉਣ ਦੀ ਮਨਾਹੀ ਕੀਤੀ ਹੈ, ਤਾਂ ਜੋ ਇਸ ਮਾਰੂ ਬਿਮਾਰੀ ਨੂੰ ਫੈਲਣ ਤੋਂ ਰੋਕਿਆ ਜਾ ਸਕੇ। ਕੈਨੇਡਾ ਦੇ ਕੁਝ ਸਾਥੀਆਂ ਨੇ ਵੁਹਾਨ 'ਚ ਆਪਣੇ ਕੂਟਨੀਤਕ ਦਫਤਰ ਵੀ ਖਾਲੀ ਕਰਵਾ ਲਏ ਹਨ।
ਕੁਝ ਚਾਰਟਰ ਫਲਾਈਟਸ 'ਤੇ ਆਪਣੇ ਨਿਵਾਸੀਆਂ ਨੂੰ ਵੀ ਨਾਲ ਲਿਜਾਏ ਜਾਣ ਦੀਆਂ ਖਬਰਾਂ ਸਨ।
ਹਾਲਾਂਕਿ ਕੈਨੇਡਾ ਦਾ ਵੁਹਾਨ 'ਚ ਕੋਈ ਅਜਿਹਾ ਦਫਤਰ ਨਹੀਂ ਹੈ, ਅਤੇ ਅਜੇਹੀ ਕੋਈ ਸੇਵਾ ਵੀ ਪ੍ਰਦਾਨ ਨਹੀਂ ਕੀਤੀ ਜਾ ਰਹੀ।
ਵਿਦੇਸ਼ ਮੰਤਰੀ ਨੇ ਕਿਹਾ ਕਿ ਜਿਹੜੇ ਲੋਕਾਂ ਨੇ ਵੁਹਾਨ 'ਚ ਮਦਦ ਮੰਗੀ ਹੈ, ਉਨ੍ਹਾਂ ਨੂੰ ਮਦਦ ਪਹੁੰਚਾਈ ਜਾ ਰਹੀ ਹੈ।
