13.83C Vancouver 13.83C VancouverFeb 13, 2025 6:17 PM - The Canadian Press
ਐਲਬਰਟਾ ਹੈਲਥ ਸਰਵਿਸਸ ਦੀ ਸਾਬਕਾ ਹੈੱਡ ਨੇ ਅਹੁਦੇ ਤੋਂ ਹਟਾਉਣ ਲਈ $1.7-ਮਿਲੀਅਨ ਦਾ ਮੁਕੱਦਮਾ ਦਾਇਰ ਕਰਦਿਆਂ ਦੋਸ਼ ਲਾਇਆ ਕਿ ਸਰਕਾਰ ਰਿਸ਼ਵਤ ਯੋਜਨਾ ਚਲਾ ਰਹੀ ਹੈ।
ਅਥਾਨਾ ਮੈਂਟਜ਼ੇਲੋਪੋਲੋਸ ਨੇ ਐਡਮਿੰਟਨ ਵਿਚ ਮੁਕੱਦਮਾ ਦਾਇਰ ਕੀਤਾ ਹੈ, ਜਿਸ ਨੂੰ 8 ਜਨਵਰੀ, 2025 ਨੂੰ ਅਹੁਦੇ ਤੋਂ ਹਟਾਇਆ ਗਿਆ। ਉਸ ਦਾ ਦਾਅਵਾ ਹੈ ਕਿ ਉਸ ਨੂੰ ਇਕ ਅੰਦਰੂਨੀ ਜਾਂਚ ਕਰਨ ਕਰਕੇ ਦਬਾਅ ਪਾਉਣ ਮਗਰੋਂ ਨੌਕਰੀ ਤੋਂ ਕੱਢਿਆ ਗਿਆ, ਜਿਸ ਵਿਚ ਡਿਪਟੀ ਹੈਲਥ ਮੰਤਰੀ ਐਂਡ੍ਰੀ ਟ੍ਰੈਂਬਲੇ ਅਤੇ ਹੋਰ ਸਰਕਾਰੀ ਉੱਚ ਅਧਿਕਾਰੀਆਂ ਦਾ ਹੱਥ ਹੈ। ਮੈਂਟਜ਼ੇਲੋਪੋਲੋਸ ਨੇ ਆਪਣੀ ਨੌਕਰੀ ਪੂਰੀ ਹੋਣ ਦੀ ਬਕਾਇਆ ਮੂਲ ਤਨਖਾਹ ਅਤੇ ਲਾਭ ਸਣੇ ਕੁੱਲ $1.7 ਮਿਲੀਅਨ ਦੀ ਰਾਸ਼ੀ ਮੰਗੀ ਹੈ। ਉਸ ਦਾ ਕਹਿਣਾ ਹੈ ਕਿ ਰੁਜ਼ਗਾਰ ਸਮਝੌਤਾ ਨੂੰ ਤੋੜਿਆ ਗਿਆ ਹੈ।
ਹੈਲਥ ਮੰਤਰੀ ਲਗਰੇਂਜ ਨੇ ਦੱਸਿਆ ਕਿ ਉਨ੍ਹਾਂ ਨੇ ਸਟੇਟਮੈਂਟ ਨੂੰ ਦੇਖਿਆ ਹੈ, ਜਿਸ ਵਿਚ ਉਨ੍ਹਾਂ ਝੂਠੇ ਦਾਅਵਿਆਂ ਨੂੰ ਦੋਹਰਾਇਆ ਗਿਆ ਹੈ ਜੋ ਪਹਿਲਾਂ ਵੀ ਮੀਡੀਆ ਵਿਚ ਲਾਏ ਗਏ ਸਨ। ਉਨ੍ਹਾਂ ਪੁਸ਼ਟੀ ਕੀਤੀ ਕਿ ਉਹ ਇਸ ਦੀ ਜਾਂਚ ਕਰਵਾਉਣਗੇ। ਦੱਸ ਦਈਏ ਕਿ ਸੂਬੇ ਦੇ ਆਡੀਟਰ ਜਨਰਲ ਨੇ ਇਸ ਮਾਮਲੇ ਦੀ ਜਾਂਚ ਕਰਨ ਦੀ ਜਾਣਕਾਰੀ ਦਿੱਤੀ ਸੀ। ਉਨ੍ਹਾਂ ਕਿਹਾ ਕਿ ਉਹ ਵੀ ਜਲਦ ਹੀ ਬਚਾਅ ਪੱਖ ਦਾ ਬਿਆਨ ਦਾਇਰ ਕਰੇਗੀ।
