18.19C Vancouver 18.19C VancouverJun 22, 2021 4:04 PM -
ਬ੍ਰਿਟਿਸ਼ ਕੋਲੰਬੀਆ ਦੇ ਚੈਂਬਰ ਆਫ ਕੌਮਰਸ ਦੇ ਸਾਬਕਾ ਚੀਫ ਇਕਜ਼ੇਕਟਿਵ ਅਫਸਰ ਨੇ ਬੀ.ਸੀ. ਦੀ ਲਿਬਰਲ ਲੀਡਰਸ਼ਿਪ ਦੌੜ ਵਿੱਚ ਉਤਰਨ ਦਾ ਐਲਾਨ ਕੀਤਾ ਹੈ।
ਵੈਲ ਲਿਟਵਿਨ ਦਾ ਕਹਿਣਾ ਹੈ ਕਿ ਉਹ ਆਰਥਕ ਵਿਕਾਸ ਨੂੰ ਸਹਿਯੋਗ ਦੇ ਅਤੇ ਸਭ ਨੂੰ ਬਰਾਬਰ ਦੇ ਅਵਸਰ ਪ੍ਰਦਾਨ ਕਰ ਲਿਬਰਲ ਪਾਰਟੀ ਨੂੰ ਇੱਕ ਨਵਾਂ ਜੀਵਨ ਦੇਣਾ ਚਾਹੁੰਦੇ ਹਨ।
43 ਸਾਲਾ ਲਿਟਵਿਨ ਲੀਡਰਸ਼ਿਪ ਦੀ ਦੌੜ ਵਿੱਚ ਸ਼ਾਮਲ ਹੋਣ ਵਾਲੇ ਪੰਜਵੇ ਉਮੀਦਵਾਰ ਹਨ।
ਸਾਬਕਾ ਕੈਬਿਨੇਟ ਮੰਤਰੀ ਕੈਵਿਨ ਫੈਲਕਨ ਅਤੇ ਲੈਜਿਸਲੇਚਰ ਮੈਂਬਰ ਐਲਿਸ ਰੌਸ ਅਤੇ ਮਾਇਕਲ ਲੀ ਅਤੇ ਬਿਜ਼ਨਸਮੈਨ ਗੈਵਿਨ ਡਿਊ ਵਲੋਂ ਵੀ ਇਸ ਦੌੜ ਵਿੱਚ ਸ਼ਾਮਲ ਹੋਣ ਦਾ ਐਲਾਨ ਕੀਤਾ ਜਾ ਚੁੱਕਾ ਹੈ।
ਲਿਬਰਲ ਪਾਰਟੀ ਵਲੋਂ 5 ਫਰਵਰੀ ਨੂੰ ਆਪਣਾ ਨਵਾਂ ਲੀਡਰ ਚੁਣਿਆ ਜਾਵੇਗਾ ਜੋ ਕਿ ਅੰਤਰਿਮ ਲੀਡਰ ਸ਼ਰਲੀ ਬੌਂਡ ਦੀ ਜਗ੍ਹਾ ’ਤੇ ਪਾਰਟੀ ਦੀ ਅਗਵਾਈ ਕਰੇਗਾ।
ਉਨ੍ਹਾਂ ਨੇ ਐਂਡਰਿਊ ਵਿਲਕਿਨਸਨ ਦੀ ਜਗ੍ਹਾ ਲਈ ਸੀ ਜਿਨ੍ਹਾਂ ਨੇ ਪਿਛਲੇ ਪੱਤਝੜ ਦੀਆਂ ਚੋਣਾਂ ਤੋਂ ਬਾਅਦ ਅਸਤੀਫਾ ਦੇ ਦਿੱਤਾ ਸੀ ਜਿਸ ਵਿੱਚ ਲਿਬਰਲ ਪਾਰਟੀ ਨੂੰ 87 ਮੈਂਬਰੀ ਵਿਧਾਨ ਸਭਾ ਵਿੱਚ ਸਿਰਫ 28 ਸੀਟਾਂ ਦੀ ਜਿੱਤ ਹਾਸਿਲ ਕੀਤੀ ਸੀ।
ਲਿਟਵਿਨ, ਜਿਨ੍ਹਾਂ ਨੇ ਪਹਿਲਾਂ ਕੋਈ ਸਿਆਸਤੀ ਅਹੁਦਾ ਨਹੀਂ ਸੰਭਾਲਿਆ, ਦਾ ਕਹਿਣਾ ਹੈ ਕਿ ਕੋਵਿਡ -19 ਮਹਾਂਮਾਰੀ ਨਾਲ ਜੁੜੇ ਸਮਾਜਿਕ, ਆਰਥਿਕ ਅਤੇ ਰਾਜਨੀਤਿਕ ਦਬਾਅ ਕਾਰਨ ਉਹ ਲੀਡਰਸ਼ਿਪ ਦੀ ਚੋਣ ਲੜਨ ਲਈ ਪ੍ਰੇਰਿਤ ਹੋਏ ਹਨ।
