12.98C Vancouver 12.98C VancouverNov 12, 2024 7:42 PM - The Canadian Press
ਬੀ.ਸੀ. ਦੇ ਸਾਬਕਾ ਪ੍ਰੀਮੀਅਰ ਜੌਨ ਹੌਰਗਨ ਦੀ 65 ਸਾਲ ਦੀ ਉਮਰ ਵਿੱਚ ਮੌਤ ਹੋ ਗਈ ਹੈ। ਉਹ 2017 ਤੋਂ 2022 ਤੱਕ ਬ੍ਰਿਟਿਸ਼ ਕੋਲੰਬੀਆ ਦੇ ਪ੍ਰੀਮੀਅਰ ਸਨ। ਉਹ ਕੈਂਸਰ ਤੋਂ ਪੀੜਤ ਸਨ। ਇਸ ਸਾਲ ਜੂਨ ਵਿਚ ਜਰਮਨੀ ਦੇ ਬਰਲਿਨ ਵਿਚ ਰੁਟੀਨ ਮੈਡੀਕਲ ਚੈਕਅੱਪ ਦੌਰਾਨ ਹੌਰਗਨ ਨੂੰ ਤੀਜੀ ਵਾਰ ਕੈਂਸਰ ਹੋਣ ਦਾ ਪਤਾ ਲੱਗਾ ਸੀ, ਜਿੱਥੇ ਉਹ ਕੈਨੇਡਾ ਦੇ ਰਾਜਦੂਤ ਦੇ ਰੂਪ ਵਿਚ ਕੰਮ ਕਰ ਰਹੇ ਸਨ।
ਬੀ.ਸੀ. ਦੇ ਸਾਬਕਾ ਪ੍ਰੀਮੀਅਰ ਜੌਨ ਹੌਰਗਨ ਨੂੰ ਥਾਇਰਾਇਡ ਕੈਂਸਰ ਸੀ। ਜਰਮਨੀ ਵਿਚ ਕੈਨੇਡਾ ਦੇ ਰਾਜਦੂਤ ਵਜੋਂ ਕੰਮ ਕਰਦੇ ਹੋਏ ਉਹ ਆਪਣੀ ਪਤਨੀ ਨਾਲ ਬਰਲਿਨ ਵਿਚ ਰਹਿ ਰਹੇ ਸਨ। ਉਨ੍ਹਾਂ ਦਾ ਦਿਹਾਂਤ ਬੀ. ਸੀ. ਦੇ ਵਿਕਟੋਰੀਆ ਸਥਿਤ ਬੀ.ਸੀ. ਕੈਂਸਰ ਸੈਂਟਰ ਵਿਚ ਹੋਇਆ। ਹੌਰਗਨ ਬੀ.ਸੀ. ਦੇ ਇਤਿਹਾਸ ਵਿਚ ਸਭ ਤੋਂ ਲੋਕਪ੍ਰਿਯ ਪ੍ਰੀਮੀਅਰਜ਼ ਵਿਚੋਂ ਇੱਕ ਸਨ, ਉਨ੍ਹਾਂ ਦੀ ਪ੍ਰਸਿੱਧੀ ਦਾ ਦਰਜਾ ਅਕਸਰ 60 ਫੀਸਦੀ ਤੋਂ ਵੱਧ ਰਿਹਾ ਹੈ।
