20.06C Vancouver 20.06C VancouverNov 1, 2023 6:43 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਐਲਾਨ ਕੀਤਾ ਹੈ ਕਿ ਬ੍ਰਿਟਿਸ਼ ਕੋਲੰਬੀਆ ਦੇ ਸਾਬਕਾ ਪ੍ਰੀਮੀਅਰ ਨੂੰ ਜਰਮਨੀ ਵਿੱਚ ਕੈਨੇਡਾ ਦਾ ਅੰਬੈਸਡਰ ਨਿਯੁਕਤ ਕੀਤਾ ਗਿਆ ਹੈ।
ਜਰਮਨੀ ਵਿੱਚ ਕੈਨੇਡਾ ਦੇ ਅਗਲੇ ਅੰਬੈਸਡਰ ਜੌਹਨ ਹੌਰਗਨ ਹੋਣਗੇ।
ਪ੍ਰਧਾਨ ਮੰਤਰੀ ਦੇ ਦਫ਼ਤਰ ਵੱਲੋਂ ਜਾਰੀ ਕੀਤੇ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਹੌਰਗਨ ਦਾ ਸਮਰਪਿਤ ਜਨਤਕ ਸੇਵਾ ਦਾ ਇੱਕ ਸਾਬਤ ਟਰੈਕ ਰਿਕਾਰਡ ਹੈ ਅਤੇ ਉਹ ਟਰੂਡੋ ਨੂੰ ਆਪਣੀ ਨਵੀਂ ਭੂਮਿਕਾ ਵਿੱਚ ਰਣਨੀਤਕ ਸਲਾਹ ਪ੍ਰਦਾਨ ਕਰਨਗੇ।
ਦੱਸ ਦਈਏ ਕਿ ਹੌਰਗਨ ਨੂੰ ਪਹਿਲੀ ਵਾਰ 2005 ਵਿੱਚ ਵਿਧਾਨ ਸਭਾ ਲਈ ਚੁਣਿਆ ਗਿਆ ਸੀ, ਜਿੰਨਾ ਨੇ ਲਗਾਤਾਰ ਚਾਰ ਵਾਰ ਜਿੱਤ ਹਾਸਿਲ ਕੀਤੀ ਤੇ ਦੋ ਵਾਰ ਪ੍ਰੀਮੀਅਰ ਬਣੇ।
ਕੈਨੇਡਾ ਅਤੇ ਜਰਮਨੀ ਨੂੰ ਭੋਜਨ ਅਤੇ ਊਰਜਾ ਦੀ ਅਸੁਰੱਖਿਆ ਸਣੇ ਕਈ ਗੁੰਝਲਦਾਰ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ ਅਤੇ ਹੌਰਗਨ ਸਾਂਝੀਆਂ ਤਰਜੀਹਾਂ ਨੂੰ ਅੱਗੇ ਵਧਾਉਣ ਲਈ ਕੰਮ ਕਰਨਗੇ।
ਟਰੂਡੋ ਦਾ ਕਹਿਣਾ ਹੈ ਕਿ ਹੌਰਗਨ ਇੱਕ ਤਜ਼ਰਬੇਕਾਰ ਨੇਤਾ ਹਨ ਅਤੇ ਉਨ੍ਹਾਂ ਨੂੰ ਭਰੋਸਾ ਹੈ ਕਿ ਉਹ ਦੋਵਾਂ ਦੇਸ਼ਾਂ ਦੇ ਸਾਂਝੇ ਹਿੱਤਾਂ ਨੂੰ ਅੱਗੇ ਵਧਾਉਣ ਚੰਗੀ ਤਰ੍ਹਾਂ ਸੇਵਾ ਕਰਦੇ ਰਹਿਣਗੇ।
ਜਰਮਨੀ ਵਿੱਚ ਕੈਨੇਡੀਅਨ ਦੂਤਾਵਾਸ ਬਰਲਿਨ ਵਿੱਚ ਸਥਿਤ ਹੈ ਅਤੇ ਮਿਊਨਿਖ ਅਤੇ ਡੂਸੇਲਡੋਰਫ ਵਿੱਚ ਕੌਂਸਲੇਟ ਵੀ ਹਨ।
