ਕੈਲਗਰੀ ਦਾ ਇਕ ਸਾਬਕਾ ਅਧਿਆਪਕ ਵਿਦਿਆਰਥੀਆਂ ਨਾਲ ਜਿਣਸੀ ਸ਼ੋਸ਼ਣ ਕਰਨ ਦੇ ਦੋਸ਼ ਵਿਚ ਚਾਰਜ

ਕੈਲਗਰੀ ਦੇ ਇਕ ਸਾਬਕਾ ਅਧਿਆਪਕ ਨੂੰ ਕਈ ਸਾਲ ਪਹਿਲਾਂ ਆਪਣੇ ਵਿਦਿਆਰਥੀਆਂ ਨੂੰ ਜਿਣਸੀ ਸ਼ੋਸ਼ਣ ਕਰਨ ਦੇ ਦੋਸ਼ ਵਿਚ ਚਾਰਜ ਕੀਤਾ ਗਿਆ ਹੈ।

ਕੈਲਗਰੀ ਪੁਲਿਸ ਨੇ ਪਿਛਲੇ ਸਾਲ ਇਸ ਦੀ ਜਾਂਚ ਸ਼ੁਰੂ ਕੀਤੀ ਜਦ ਦੋ ਪੀੜਤਾਂ ਨੇ ਸ਼ਿਕਾਇਤ ਕੀਤੀ ਸੀ ਕਿ ਜੌਨ ਵੇਅਰ ਸਕੂਲ ਵਿਚ 1991 ਤੋਂ 1995 ਵਿਚਕਾਰ ਉਨ੍ਹਾਂ ਦੇ ਅਧਿਆਪਕ ਰਹੇ ਫਰੈੱਡ ਹੈਨਰੀ ਆਰਚਰ ਨੇ ਉਨ੍ਹਾਂ ਦਾ ਜਿਣਸੀ ਸ਼ੋਸ਼ਣ ਕੀਤਾ ਸੀ।ਦੋਵੇਂ ਪੀੜਤ ਉਸ ਸਮੇਂ 12 ਸਾਲ ਦੇ ਸਨ ਅਤੇ 7 ਗਰੇਡ ਵਿਚ ਪੜ੍ਹਦੇ ਸਨ। ਆਰਚਰ ਨੇ ਇਕ ਪੀੜਤ ਨੂੰ ਸਕੂਲ ਤੋਂ ਬਾਅਦ ਮੈਥਸ ਦੀ ਟਿਊਸ਼ਨ ਕਰਵਾਉਣ ਲਈ ਔਫਰ ਕੀਤਾ ਸੀ ਅਤੇ ਇਸ ਦੌਰਾਨ ਅਤੇ ਆਪਣੀ ਗੱਡੀ ਵਿਚ ਉਸ ਨੇ ਅਸ਼ਲੀਲ ਹਰਕਤਾਂ ਕੀਤੀਆਂ। ਦੂਜੇ ਪੀੜਤ ਨੂੰ ਉਸ ਨੇ ਆਪਣੇ ਘਰ ਅਤੇ ਵਾਹਨ ਵਿਚ ਸ਼ਿਕਾਰ ਬਣਾਇਆ।

ਪੁਲਿਸ ਨੇ ਹਾਈ ਰਿਵਰ ਦੇ 80 ਸਾਲਾ ਆਰਚਰ ਨੂੰ 16 ਸਾਲ ਤੋਂ ਘੱਟ ਉਮਰ ਵਾਲਿਆਂ ਦਾ ਜਿਣਸੀ ਸ਼ੋਸ਼ਣ ਕਰਨ ਦੇ ਦੋਸ਼ ਵਿਚ ਚਾਰਜ ਕੀਤਾ ਗਿਆ ਹੈ। ਉਸ ਨੂੰ ਮਾਰਚ ਵਿਚ ਅਦਾਲਤ ਵਿਚ ਪੇਸ਼ ਕੀਤਾ ਜਾਣਾ ਹੈ।