ਟਵਿੱਟਰ ਦੇ ਸਾਬਕਾ ਸੀ. ਈ. ਓ. ਜੈਕ ਡੋਰਸੀ ਨੇ ਕੰਪਨੀ ਬੋਰਡ ਤੋਂ ਦਿੱਤਾ ਅਸਤੀਫਾ

ਟਵਿੱਟਰ ਦੇ ਸਾਬਕਾ ਮੁੱਖ ਕਾਰਜਕਾਰੀ ਅਧਿਕਾਰੀ (ਸੀ. ਈ. ਓ.) ਜੈਕ ਡੋਰਸੀ ਨੇ ਟਵਿੱਟਰ ਬੋਰਡ ਆਫ ਡਾਇਰੈਕਟਰਜ਼ ਤੋਂ ਅਸਤੀਫਾ ਦੇ ਦਿੱਤਾ ਹੈ।

ਟਵਿੱਟਰ ਦੇ ਬੋਰਡ ਤੋਂ ਬਾਹਰ ਹੋਣ ਦੇ ਨਾਲ ਹੀ ਡੋਰਸੀ ਦਾ ਮਾਈਕਰੋ-ਬਲਾਗਿੰਗ ਸਾਈਟ ਨਾਲ ਰਿਸ਼ਤਾ ਪੂਰੀ ਤਰ੍ਹਾਂ ਖ਼ਤਮ ਹੋ ਗਿਆ ਹੈ। ਗੌਰਤਲਬ ਹੈ ਕਿ ਜੈਕ ਡੋਰਸੀ ਵੱਲੋਂ ਬੋਰਡ ਛੱਡਣ ਦੀ ਯੋਜਨਾ ਪਹਿਲਾਂ ਹੀ ਸੀ, ਉਨ੍ਹਾਂ ਇਸ ਸਬੰਧੀ ਪਿਛਲੇ ਸਾਲ ਨਵੰਬਰ ਵਿਚ ਅਸਤੀਫਾ ਦੇ ਦਿੱਤਾ ਸੀ ਅਤੇ ਉਨ੍ਹਾਂ ਦੀ ਜਗ੍ਹਾ ਭਾਰਤ ਦੇ ਪਰਾਗ ਅਗਰਵਾਲ ਨੂੰ ਕਮਾਨ ਸੌਂਪੀ ਗਈ ਸੀ। ਹਾਲਾਂਕਿ, ਉਸ ਸਮੇਂ ਕੰਪਨੀ ਨੇ ਫ਼ੈਸਲਾ ਕੀਤਾ ਸੀ ਕਿ ਡੋਰਸੀ 2022 ਵਿਚ ਆਪਣਾ ਕਾਰਜਕਾਲ ਸਮਾਪਤ ਹੋਣ ਤੱਕ ਬਣੇ ਰਹਿਣਗੇ, ਜਦੋਂ ਤੱਕ ਸਟਾਕਧਾਰਕਾਂ ਦੀ ਮੀਟਿੰਗ ਵਿਚ ਉਨ੍ਹਾਂ ਦੀ ਮਿਆਦ ਖਤਮ ਨਹੀਂ ਹੋ ਜਾਂਦੀ।

ਗੌਰਤਲਬ ਹੈ ਕਿ ਡੋਰਸੀ ਦੇ ਟਵਿੱਟਰ ਬੋਰਡ ਛੱਡਣ ਦੀ ਖ਼ਬਰ ਅਜਿਹੇ ਸਮੇਂ ਆਈ ਹੈ ਜਦੋਂ ਟੈਸਲਾ ਦੇ ਸੀ. ਈ. ਓ. ਐਲਨ ਮਸਕ ਟਵਿੱਟਰ ਨੂੰ 33.5 ਬਿਲੀਅਨ ਅਮਰੀਕੀ ਡਾਲਰ ਵਿਚ ਟੇਕ-ਓਵਰ ਕਰਨ ਦੀ ਯੋਜਨਾ ਬਣਾ ਰਹੇ ਹਨ।