13.55C Vancouver 13.55C VancouverMay 24, 2022 10:10 PM - The Canadian Press
ਕਨੇਡੀਅਨ ਫੁੱਟਬਾਲ ਲੀਗ ਦੇ ਸਾਬਕਾ ਖਿਡਾਰੀ ਜੌਸ਼ੂਆ ਬੌਡਨ ਨੂੰ ਇੱਕ ਔਰਤ ਦੀ ਮੌਤ ਦੇ ਮਾਮਲੇ 'ਚ ਸਜਾ ਸੁਣਾਏ ਜਾਣ ਸੰਬੰਧੀ ਮਿਤੀ ਰੀ-ਸਕੈਡਿਉਲ ਕਰ ਦਿੱਤੀ ਗਈ ਹੈ।
ਹੁਣ ਜੌਸ਼ੂਆ ਬੌਡਨ ਨੂੰ 16 ਜੂਨ ਨੂੰ ਸਜਾ ਸੁਣਾਈ ਜਾਵੇਗੀ।
ਜਸਟਿਸ ਆਰਨ ਸਿਲਵਰਮੈਨ ਨੇ ਬੀ.ਸੀ. ਸੁਪ੍ਰੀਮ ਕੋਰਟ 'ਚ ਐਸੋਸੀਏਟ ਚੀਫ਼ ਜਸਟਿਸ ਹੈਦਰ ਹੋਮਸ ਦਾ ਇੱਕ ਮੈਮੋਰੈਂਡਮ ਪੜ੍ਹਿਆ ਅਤੇ ਆਖਿਆ ਕਿ ਜਸਟਿਸ ਬੈਰੀ ਡੇਵੀਸ ਇਸ ਮਾਮਲੇ 'ਚ ਹੁਣ ਅੱਗੇ ਹਾਜਿਰ ਨਹੀਂ ਰਹਿ ਸਕਣਗੇ ਅਤੇ ਪ੍ਰੋਸੀਡਿੰਗਸ ਸਿਲਵਰਮੈਨ ਨੂੰ ਸੌਂਪੀਆਂ ਗਈਆਂ ਹਨ।
ਸਿਲਵਰਮੈਨ ਨੇ ਕਿਹਾ ਕਿ ਉਹ 16 ਜੂਨ ਨੂੰ ਦੋਵੇਂ ਪੱਖਾਂ ਦੇ ਸਬਮਿਸ਼ਨ ਲੈਣਗੇ ਅਤੇ ਉਸੇ ਦਿਨ ਫੈਸਲਾ ਸੁਣਾਉਣਗੇ।
ਯਾਦ ਰਹੇ ਜੌਸ਼ੂਆ ਬੌਡਨ ਨੂੰ ਕਿੰਬਰਲੀ ਹਾਲਗਾਰਥ ਦੀ ਮੌਤ ਦੇ ਮਾਮਲੇ 'ਚ ਸੈਕਿੰਡ ਡਿੰਗਰੀ ਕਤਲ ਦੇ ਦੋਸ਼ 'ਚ ਗਿਲਟੀ ਪਾਇਆ ਗਿਆ ਹੈ।
33 ਸਾਲਾ ਔਰਤ ਦਾ ਮ੍ਰਿਤ ਸ਼ਰੀਰ ਮਈ 2009 'ਚ ਬਰਨਬੀ 'ਚ ਇੱਕ ਘਰ 'ਚ ਮਿਲਿਆ ਸੀ।
ਮਾਮਲੇ 'ਚ ਨਵੰਬਰ 2018 'ਚ ਦੋਸ਼ ਤੈਅ ਕੀਤੇ ਗਏ ਸਨ।
