14.75C Vancouver 14.75C VancouverSep 17, 2021 7:15 PM -
ਕੈਨੇਡਾ ਦੇ ਸਾਬਕਾ ਚੀਫ਼ ਆਫ ਡਿਫੈਂਸ ਸਟਾਫ਼, ਜਨਰਲ ਜੌਨਥਨ ਵੈਨਸ ਖਿਲਾਫ ਲੱਗੇ ਇਨਸਾਫ 'ਚ ਅੜਿੱਕਾ ਪਾਉਣ ਦੇ ਇਲਜਾਮ ਨੂੰ ਕਿਸੇ ਇੰਡਿਕਟੇਬਲ ਅਪਰਾਧ ਵਜੋਂ ਨਹੀਂ ਵੇਖਿਆ ਜਾਵੇਗਾ।
ਇੱਕ ਮਿਲਟਰੀ ਲਾਅ ਮਾਹਿਰ ਨੇ ਇਹ ਐਲਾਨ ਅੱਜ ਸਵੇਰ ਦੀ ਇੱਕ ਵਰਚੁਅਲ ਕੋਰਟ ਸੁਣਵਾਈ ਦੌਰਾਨ ਕੀਤਾ।
ਇਸ ਦਾ ਅਰਥ ਹੈ ਕਿ ਵੈਨਸ ਨੂੰ ਵੱਧ ਤੋਂ ਵੱਧ 2 ਸਾਲ ਦੀ ਸਜਾ ਸੁਣਾਈ ਜਾ ਸਕਦੀ ਹੈ।
ਇਸ ਤੋਂ ਪਹਿਲਾਂ ਕਿਹਾ ਜਾ ਰਿਹਾ ਸੀ ਕਿ ਜੇਕਰ ਇਹ ਇੱਕ ਇੰਡਿਕਟੇਬਲ ਅਪਰਾਧ ਵਜੋਂ ਰੱਖਿਆ ਜਾਂਦਾ ਹੈ ਤਾਂ 10 ਸਾਲ ਤਕ ਦੀ ਸਜਾ ਹੋ ਸਕਦੀ ਸੀ।
ਪ੍ਰਸਿਕਿਊਟਰਸ ਨੇ ਇਲਜਾਮ ਲਗਾਏ ਹਨ ਕਿ ਵੈਨਸ ਨੇ ਵਾਰ-ਵਾਰ ਇੱਕ ਔਰਤ ਨੂੰ ਸੰਪਰਕ ਕੀਤਾ ਸੀ।
ਇਸੇ ਸਾਲ ਫਰਵਰੀ ਦੀ ਸ਼ੁਰੂਆਤ 'ਚ ਉਨ੍ਹਾਂ ਕਥਿਤ ਤੌਰ 'ਤੇ ਸੰਪਰਕ ਕਰ ਕੇ ਔਰਤ ਨੂੰ ਮਿਲਟਰੀ ਜਾਂਚ ਦੌਰਾਨ ਵੈਨਸ ਨਾਲ ਰਿਸ਼ਤਿਆਂ ਬਾਰੇ ਝੂਠੇ ਬਿਆਨ ਦੇਣ ਲਈ ਕਿਹਾ ਗਿਆ ਸੀ।
ਇਸ ਮਾਮਲੇ ਦੀ ਸੁਣਵਾਈ 15 ਅਕਤੂਬਰ ਤਕ ਟਾਲ ਦਿੱਤੀ ਗਈ ਹੈ।
