18.86C Vancouver 18.86C VancouverMar 30, 2022 7:09 PM - The Canadian Press
ਕੈਨੇਡਾ ਦੇ ਸਾਬਕਾ ਚੀਫ਼ ਆਫ ਡਿਫੈਂਸ ਸਟਾਫ਼, ਜਨਰਲ ਜੌਨਾਥਨ ਵੈਂਸ ਨੇ ਔਬਸਟ੍ਰਕਸ਼ਨ ਆਫ ਜਸਟਿਸ ਯਾਨੀ ਕਿ ਇਨਸਾਫ 'ਚ ਅੜਿੱਕੇ ਸੰਬੰਧੀ ਇੱਕ ਦੋਸ਼ ਕਬੂਲਿਆ ਹੈ।
ਜਿਨਸੀ ਹਮਲੇ ਦੇ ਇਲਜਾਮਾਂ ਸੰਬੰਧੀ ਜਾਂਚ ਦਰਮਿਆਨ ਵੈਂਸ ਨੇ ਇਹ ਦੋਸ਼ ਕਬੂਲਿਆ ਹੈ।
ਜੱਜ ਨੇ ਸਾਬਕਾ ਚੀਫ਼ ਆਫ ਡਿਫੈਂਸ ਸਟਾਫ਼ ਨੂੰ ਕੰਡੀਸ਼ਨਲ ਡਿਸਚਾਰਜ ਦਿੱਤਾ ਹੈ ਅਤੇ ਵੈਂਸ ਨੂੰ 80 ਘੰਟੇ ਦੀ ਕਮਿਊਨਿਟੀ ਸਰਵਿਸ ਦੇ ਨਿਰਦੇਸ਼ ਦਿੱਤੇ ਗਏ ਹਨ।
ਵੈਂਸ 'ਤੇ ਇਲਜਾਮ ਸਨ ਕਿ ਉਨ੍ਹਾਂ ਲਗਾਤਾਰ ਇੱਕ ਔਰਤ ਨਾਲ ਸੰਪਰਕ ਸਥਾਪਿਤ ਕੀਤਾ ਸੀ ਅਤੇ ਉਸ ਨੂੰ ਗਲਤ ਬਿਆਨ ਦੇਣ ਲਈ ਜੋਰ ਪਾਇਆ ਸੀ ਕਿ ਮਿਲਟਰੀ ਜਾਂਚ ਅਧਿਕਾਰੀਆਂ ਨੂੰ ਆਪਣੇ ਅਤੀਤ ਦੇ ਰਿਸ਼ਤੇ ਬਾਰੇ ਝੂਠ ਦੱਸੇ।
ਹਾਲਾਂਕਿ ਵੈਂਸ 'ਤੇ ਕਿਸੇ ਗਲਤ ਜਿਨਸੀ ਬਦਸਲੂਕੀ ਦੇ ਇਲਜਾਮ ਨਹੀਂ ਲੱਗੇ ਸਨ।
ਇਸ ਮਾਮਲੇ ਸੰਬੰਧੀ ਅੱਜ ਰੱਖਿਆ ਮੰਤਰੀ ਅਨੀਤਾ ਅਨੰਦ ਨੂੰ ਸਵਾਲ ਕੀਤੇ ਗਏ ਤਾਂ ਉਨ੍ਹਾਂ ਕਿਹਾ ਕਿ ਉਹ ਕਿਸੇ ਅਪਰਾਧਿਕ ਮਾਮਲੇ 'ਤੇ ਟਿੱਪਣੀ ਨਹੀਂ ਕਰਨਾ ਚਾਹੁੰਦੀ।
