ਸਾਬਕਾ ਮੰਤਰੀ ਸ਼ਾਨ ਫਰੇਜ਼ਰ ਫੈਡਰਲ ਰਾਜਨੀਤੀ ਵਿੱਚ ਆਏ ਵਾਪਸ ,ਸੈਂਟਰਲ ਨੋਵਾ ਤੋਂ ਚੋਣ ਲੜਨਗੇ

ਕੈਨੇਡਾ ਦੇ ਸਾਬਕਾ ਇਮੀਗ੍ਰੇਸ਼ਨ ਅਤੇ ਹਾਊਸਿੰਗ ਮਿਨਿਸਟਰ ਸ਼ਾਨ ਫਰੇਜ਼ਰ ਨੇ ਫੈਡਰਲ ਰਾਜਨੀਤੀ ਵਿਚ ਵਾਪਸੀ ਕਰ ਲਈ ਹੈ, ਉਨ੍ਹਾਂ ਮੰਗਲਵਾਰ ਨੂੰ ਪੁਸ਼ਟੀ ਕੀਤੀ ਕਿ ਉਹ ਨੋਵਾ ਸਕੋਸ਼ੀਆ ਦੀ ਆਪਣੀ ਸੈਂਟਰਲ ਨੋਵਾ ਰਾਈਡਿੰਗ ਤੋਂ ਚੋਣ ਲੜਨਗੇ।

ਫਰੇਜ਼ਰ ਦਾ ਇਹ ਫੈਸਲਾ ਲਗਭਗ ਤਿੰਨ ਮਹੀਨੇ ਬਾਅਦ ਆਇਆ ਹੈ, ਟਰੂਡੋ ਨੇ ਮੰਤਰੀ ਮੰਡਲ ਵਿਚ ਰਹਿਣ ਦੌਰਾਨ ਪਿਛਲੇ ਸਾਲ ਉਨ੍ਹਾਂ ਪਰਿਵਾਰ ਨਾਲ ਵਧੇਰੇ ਸਮਾਂ ਬਿਤਾਉਣ ਦੀ ਇੱਛਾ ਦਾ ਹਵਾਲਾ ਦਿੰਦੇ ਹੋਏ ਅਗਲੀਆਂ ਚੋਣਾਂ ਨਾ ਲੜਨ ਦੀ ਘੋਸ਼ਣਾ ਕੀਤੀ ਸੀ ਅਤੇ ਇਸ ਵਿਚਕਾਰ ਪਾਰਟੀ ਵਲੋਂ ਸੈਂਟਰਲ ਨੋਵਾ ਤੋਂ ਹੋਰ ਉਮੀਦਵਾਰ ਵੀ ਉਤਾਰ ਦਿੱਤਾ ਗਿਆ ਸੀ ਪਰ ਸ਼ਾਨ ਫਰੇਜ਼ਰ ਦੀ ਫੈਡਰਲ ਰਾਜਨੀਤੀ ਵਿਚ ਵਾਪਸੀ ਦਾ ਪਾਰਟੀ ਲੀਡਰ ਮਾਰਕ ਕਾਰਨੀ ਨੇ ਸਮਰਥਨ ਕਰਦੇ ਕਿਹਾ ਕਿ ਇਹ ਅਸਧਾਰਨ ਮਾਮਲਾ ਹੈ, ਕੈਨੇਡਾ ਨੂੰ ਸ਼ਾਨ ਵਰਗੇ ਲੀਡਰਾਂ ਦੀ ਲੋੜ ਹੈ।

ਗੌਰਤਲਬ ਹੈ ਕਿ ਸ਼ਾਨ ਫਰੇਜ਼ਰ ਘੱਟੋ-ਘੱਟ ਪੰਜਵੇਂ ਲਿਬਰਲ ਸਾਂਸਦ ਹਨ ਜਿਨ੍ਹਾਂ ਨੇ ਪਾਰਟੀ ਦੇ ਪੋਲ ਨੰਬਰਾਂ ਵਿਚ ਗਿਰਾਵਟ ਆਉਣ ਦੌਰਾਨ ਅਸਤੀਫ਼ਾ ਦੇਣ ਦੀ ਯੋਜਨਾ ਬਣਾਈ ਸੀ ਪਰ ਕਾਰਨੀ ਦੇ ਆਉਣ ਤੋਂ ਬਾਅਦ ਹੁਣ ਉਨ੍ਹਾਂ ਨੇ ਆਪਣਾ ਮਨ ਬਦਲ ਲਿਆ ਹੈ।