17.31C Vancouver 17.31C VancouverJun 1, 2026 2:33 PM - Connect Newsroom - Ramandeep Kaur with files from The Canadian Press
ਬੀ.ਸੀ. ਕੰਜ਼ਰਵੇਟਿਵ ਪਾਰਟੀ ਨੇ ਸਾਬਕਾ ਫੈਡਰਲ ਐਮਪੀ ਕੈਰੀ-ਲਿਨ ਫਿੰਡਲੇ ਨੂੰ ਆਪਣਾ ਨਵਾਂ ਲੀਡਰ ਚੁਣਿਆ ਹੈ। ਇਹ ਲੀਡਰਸ਼ਿਪ ਚੋਣ ਅਜਿਹੇ ਸਮੇਂ ਹੋਈ ਹੈ ਜਦੋਂ ਸੂਬੇ ਵਿਚ ਪ੍ਰੀਮੀਅਰ ਡੇਵਿਡ ਈਬੀ ਦੀ ਐਨ.ਡੀ.ਪੀ. ਸਰਕਾਰ ਖ਼ਿਲਾਫ਼ ਕੰਜ਼ਰਵੇਟਿਵ ਦੀ ਲੋਕਪ੍ਰਿਅਤਾ ਵਧੀ ਹੈ। ਫਿੰਡਲੇ ਨੇ ਇੱਕ ਬਹੁਤ ਹੀ ਫਸਵੇਂ ਮੁਕਾਬਲੇ ਵਿਚ 51 ਫੀਸਦੀ ਵੋਟਾਂ ਹਾਸਲ ਕਰਕੇ ਜਿੱਤ ਦਰਜ ਕੀਤੀ।
ਉਨ੍ਹਾਂ ਦੀ ਸਭ ਤੋਂ ਨਜ਼ਦੀਕੀ ਵਿਰੋਧੀ ਕੈਰੋਲੀਨ ਐਲੀਅਟ ਰਹੀ, ਜਿਹਨਾਂ ਨੂੰ 49 ਫੀਸਦੀ ਵੋਟਾਂ ਮਿਲੀਆਂ। ਫਿੰਡਲੇ ਕੋਲ ਸਿਆਸਤ ਦਾ ਲੰਮਾ ਤਜਰਬਾ ਹੈ। ਉਹ ਸਟੀਫਨ ਹਾਰਪਰ ਦੀ ਫੈਡਰਲ ਸਰਕਾਰ ਵਿਚ ਕੈਬਨਿਟ ਮੰਤਰੀ ਰਹਿ ਚੁੱਕੇ ਹਨ ਅਤੇ ਮੌਜੂਦਾ ਫੈਡਰਲ ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਦੀ ਅਗਵਾਈ ਹੇਠ ਮੁੱਖ ਵਿਰੋਧੀ ਧਿਰ ਵ੍ਹਿਪ ਵਜੋਂ ਵੀ ਸੇਵਾਵਾਂ ਨਿਭਾ ਚੁੱਕੇ ਹਨ।
ਹਾਲਾਂਕਿ, ਬੀ. ਸੀ. ਕੰਜ਼ਰਵੇਟਿਵ ਦੀ ਨਵੀਂ ਲੀਡਰ ਕੋਲ ਫਿਲਹਾਲ ਸੂਬੇ ਦੀ ਵਿਧਾਨ ਸਭਾ ਵਿਚ ਐਮ.ਐਲ.ਏ. ਦੀ ਸੀਟ ਨਹੀਂ ਹੈ ਪਰ ਉਨ੍ਹਾਂ ਦੇ ਪਤੀ ਬ੍ਰੈਂਟ ਚੈਪਮੈਨ ਸਰੀ ਸਾਊਥ ਤੋਂ ਮੌਜੂਦਾ ਕੰਜ਼ਰਵੇਟਿਵ ਐਮ.ਐਲ.ਏ. ਹਨ ਅਤੇ ਫਿੰਡਲੇ ਨੇ ਜਲਦ ਹੀ ਜ਼ਿਮਨੀ ਚੋਣ ਜ਼ਰੀਏ ਸਦਨ ਵਿਚ ਪਹੁੰਚਣ ਦਾ ਸੰਕੇਤ ਦਿੱਤਾ ਹੈ।
