7.99C Vancouver 7.99C VancouverOct 19, 2026 1:06 PM - Connect Newsroom - Ramandeep Kaur with files from The Canadian Press
ਕੈਨੇਡੀਅਨ ਆਰਮਡ ਫੋਰਸਿਜ਼ ਦੇ ਐਲਬਰਟਾ ਸਥਿਤ ਫ਼ੌਜੀ ਟ੍ਰੇਨਿੰਗ ਬੇਸ ਵੇਨਰਾਈਟ ਵਿਖੇ ਸ਼ਨੀਵਾਰ ਨੂੰ ਅੱਗ ਲੱਗਣ ਕਾਰਨ ਹੋਏ ਧਮਾਕੇ ਵਿਚ 4 ਜਵਾਨਾਂ ਦੀ ਮੌਤ ਹੋ ਗਈ, ਜਦੋਂ ਕਿ 39 ਹੋਰ ਜਵਾਨ ਗੰਭੀਰ ਰੂਪ ਵਿਚ ਝੁਲਸ ਗਏ, ਜਿਨ੍ਹਾਂ ਵਿਚੋਂ 19 ਦੀ ਨਾਜ਼ੁਕ ਬਣੀ ਹੋਈ ਹੈ।
ਫ਼ੌਜੀ ਅਧਿਕਾਰੀਆਂ ਨੇ ਮੰਨਿਆ ਕਿ ਇਸ ਅੱਗ ਬਾਰੇ ਉਨ੍ਹਾਂ ਨੂੰ ਪਹਿਲਾਂ ਹੀ ਪਤਾ ਸੀ ਪਰ ਉਸ ਸਮੇਂ ਇਸ ਨੂੰ ਕੋਈ ਖ਼ਤਰਾ ਨਹੀਂ ਮੰਨਿਆ ਗਿਆ ਸੀ ਕਿਉਂਕਿ ਅੱਗ ਲਗਭਗ ਇੱਕ ਕਿਲੋਮੀਟਰ ਦੂਰ ਸੀ ਅਤੇ ਕਾਬੂ ਹੇਠ ਜਾਪ ਰਹੀ ਸੀ, ਜਿਸ ਕਾਰਨ ਜਵਾਨਾਂ ਦੀ ਲਾਈਵ-ਫਾਇਰਿੰਗ ਸਿਖਲਾਈ ਜਾਰੀ ਰੱਖਣ ਦੀ ਇਜਾਜ਼ਤ ਦਿੱਤੀ ਗਈ ਪਰ ਸ਼ਾਮ ਨੂੰ ਅਚਾਨਕ ਚੱਲੇ ਤੇਜ਼ ਝੱਖੜ ਨੇ ਅੱਗ ਦਾ ਰੁਖ਼ ਬਦਲ ਦਿੱਤਾ ਅਤੇ ਮਹਿਜ਼ 30 ਤੋਂ 60 ਸੈਕਿੰਡ ਦੇ ਅੰਦਰ-ਅੰਦਰ ਟ੍ਰੇਨਿੰਗ ਰੇਂਜ ਦੇ ਪ੍ਰਸ਼ਾਸਕੀ ਖੇਤਰ ਨੂੰ ਆਪਣੀ ਲਪੇਟ ਵਿਚ ਲੈ ਲਿਆ। ਇਹ ਅੱਗ ਇੱਕ ਗਰਾਸ ਫਾਇਰ ਤੋਂ ਸ਼ੁਰੂ ਹੋਈ ਸੀ।
ਮੇਜਰ ਜਨਰਲ ਵੇਡ ਰਟਲੈਂਡ ਮੁਤਾਬਕ, ਜਾਨ ਗੁਆਉਣ ਵਾਲੇ ਜਵਾਨਾਂ ਵਿਚ ਇੱਕ ਦਾ ਸਬੰਧ ਐਡਮਿੰਟਨ ਨਾਲ ਦੋ ਹੋਰਾਂ ਦਾ ਬੀ. ਸੀ. ਨਾਲ ਸੀ, ਜਦੋਂ ਕਿ ਚੌਥਾ ਜਵਾਨ ਸਸਕੈਚਵਨ ਦਾ ਰਹਿਣ ਵਾਲਾ ਸੀ।
