30.1C Vancouver 30.1C VancouverJul 8, 2025 2:13 PM - The Canadian Press
ਕੈਨੇਡਾ ਦੀ ਨੈਸ਼ਨਲ ਪੁਲਿਸ ਫੋਰਸ ਨੇ ਕਿਊਬੈਕ ਸਿਟੀ 'ਤੇ ਕਥਿਤ ਕਬਜ਼ਾ ਕਰਨ ਦੀਆਂ ਸਰਗਰਮੀਆਂ ਅਤੇ ਸਰਕਾਰ ਵਿਰੋਧੀ ਮਿਲਟਰੀ ਬਣਾਉਣ ਦੀ ਸਾਜ਼ਿਸ਼ ਵਿਚ ਤਿੰਨ ਲੋਕਾਂ ਨੂੰ ਅੱਤਵਾਦੀ ਗਤੀਵਿਧੀ ਦੇ ਦੋਸ਼ਾਂ ਨਾਲ ਚਾਰਜ ਕੀਤਾ ਹੈ ਅਤੇ ਚੌਥੇ ਸ਼ੱਕੀ 'ਤੇ ਕਈ ਵਿਸਫੋਟਕ ਅਤੇ ਹਥਿਆਰਾਂ ਦੇ ਸਬੰਧ ਵਿਚ ਦੋਸ਼ ਲਗਾਏ ਗਏ ਹਨ। ਇਨ੍ਹਾਂ ਸ਼ੱਕੀਆਂ ਵਿਚ ਕੁਝ ਕੈਨੇਡੀਅਨ ਆਰਮਡ ਫੋਰਸਿਜ਼ ਦੇ ਸਰਗਰਮ ਮੈਂਬਰ ਹਨ।
ਆਰ.ਸੀ.ਐਮ.ਪੀ.ਮੁਤਾਬਕ,ਤਿੰਨ ਆਦਮੀਆਂ ਨੇ ਮਿਲਟਰੀ ਸ਼ੈਲੀ ਦੀ ਸਿਖਲਾਈ ਦੇ ਨਾਲ-ਨਾਲ ਸ਼ੂਟਿੰਗ,ਬਚਾਅ ਤੇ ਨੈਵੀਗੇਸ਼ਨ ਅਭਿਆਸ ਵਿਚ ਹਿੱਸਾ ਲਿਆ। ਉਨ੍ਹਾਂ ਇੱਕ ਸਕਾਊਟਿੰਗ ਓਪਰੇਸ਼ਨ ਵੀ ਕੀਤਾ।
ਇਨ੍ਹਾਂ ਗਤੀਵਿਧੀਆਂ ਵਿਚ ਕਈ ਤਰ੍ਹਾਂ ਦੇ ਹਥਿਆਰ,ਕੁਝ ਪਾਬੰਦੀਸ਼ੁਦਾ ਹਥਿਆਰਾਂ ਦੇ ਨਾਲ-ਨਾਲ ਉੱਚ-ਸਮਰੱਥਾ ਵਾਲੇ ਮੈਗਜ਼ੀਨ ਅਤੇ ਰਣਨੀਤਕ ਉਪਕਰਣ ਵਰਤੇ ਗਏ ਸਨ। ਜਨਵਰੀ 2024 ਵਿਚ ਛਾਪਮੇਰੀ ਵਿਚ ਇਨ੍ਹਾਂ ਕੋਲੋਂ 16 ਵਿਸਫੋਟਕ ਡਿਵਾਈਸ, 83 ਹਥਿਆਰ, 11,000 ਰਾਊਂਡ ਗੋਲਾ ਬਾਰੂਦ ਅਤੇ ਹੋਰ ਫੌਜੀ ਉਪਕਰਣ ਜ਼ਬਤ ਕੀਤੇ ਗਏ ਸਨ।
