15.52C Vancouver 15.52C VancouverAug 7, 2020 3:28 PM -
ਮੈਨੀਟੋਬਾ ਦੇ ਇੱਕ ਮੀਟ ਪ੍ਰੋਸੈਸਿੰਗ ਪਲਾਂਟ ਦੇ ਵਰਕਰਾਂ ਦੀ ਪ੍ਰਤੀਨਿਧਤਾ ਕਰਦੀ ਯੂਨੀਅਨ ਮੁਤਾਬਕ 4 ਮੁਲਾਜ਼ਮਾਂ ਦਾ ਕੋਵਿਡ-19 ਟੈਸਟ ਪੌਜ਼ਿਟਿਵ ਆਇਆ ਹੈ।
ਵੀਕਐਂਡ ਤੋਂ ਬਾਅਦ, ਬਰੈਂਡਨ ਵਿੱਚ ਸਥਿਤ ਮੇਪਲ ਲੀਫ ਪੋਰਕ ਪਲਾਂਟ ਵਿੱਚ 8 ਮੁਲਾਜ਼ਮਾਂ ਦੀ ਕੋਵਿਡ-19 ਤੋਂ ਪ੍ਰਭਾਵਤ ਹੋਣ ਦੀ ਪੁਸ਼ਟੀ ਕੀਤੀ ਗਈ ਹੈ।
ਯੂਨਾਈਟਿਡ ਫੂਡ ਐਂਡ ਕਮਰਸ਼ਲ ਵਰਕਰਜ਼ ਲੋਕਲ 832 ਦੇ ਪ੍ਰੈਜ਼ੀਡੈਂਟ ਜੈੱਫ ਟਰੇਗਰ ਮੁਤਾਬਕ ਹੋਰ ਮਾਮਲੇ ਸਾਹਮਣੇ ਆਉਣ ਦਾ ਅੰਦਾਜ਼ਾ ਹੈ।
2,000 ਵਰਕਰਾਂ ਦੀ ਪ੍ਰਤੀਨਿਧਤਾ ਕਰਦੀ ਯੂਨੀਅਨ ਵਲੋਂ ਸਥਿਤੀ ਕਾਬੂ ਹੋ ਜਾਣ ਤੱਕ ਕੰਪਨੀ ਤੋਂ ਪਲਾਂਟ ਬੰਦ ਕਰਨ ਦੀ ਮੰਗ ਕੀਤੀ ਜਾ ਰਹੀ ਹੈ।
ਮੇਪਲ ਲੀਫ ਦਾ ਕਹਿਣਾ ਕਿ ਕੋਵਿਡ-19 ਦੇ ਸਾਹਮਣੇ ਆਏ ਮਾਮਲੇ ਕੰਮ ਦੀ ਥਾਂ ਤੇ ਫੈਲਾਅ ਕਾਰਨ ਨਹੀਂ ਬਲਕਿ ਕਮਿਊਨਟੀ ਆਊਟਬ੍ਰੇਕ ਦਾ ਹਿੱਸਾ ਹਨ।
ਵੀਰਵਾਰ ਨੂੰ ਸਿਹਤ ਅਧਿਕਾਰੀਆਂ ਵਲੋਂ ਪਲਾਂਟ ਦਾ ਨਿਰੀਖਣ ਕੀਤਾ ਗਿਆ ਜਿਸ ਤੋਂ ਬਾਅਦ ਕੰਪਨੀ ਨੂੰ ਆਪਣਾ ਕੰਮ ਜਾਰੀ ਰੱਖਣ ਦੀ ਮਨਜ਼ੂਰੀ ਦੇ ਦਿੱਤੀ ਗਈ ਹੈ।
