13.83C Vancouver 13.83C VancouverJan 9, 2024 2:59 PM - The Associated Press
ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਨ ਨੇ 34 ਸਾਲਾ ਸਿੱਖਿਆ ਮੰਤਰੀ ਗੈਬਰੀਅਲ ਅਟਲ ਨੂੰ ਨਵੇਂ ਪ੍ਰਧਾਨ ਮੰਤਰੀ ਨਿਯੁਕਤ ਕੀਤਾ ਹੈ, ਜੋ ਫਰਾਂਸ ਦੀ ਆਧੁਨਿਕ ਇਤਿਹਾਸ ਵਿਚ ਸਭ ਤੋਂ ਘੱਟ ਉਮਰ ਦੇ ਪ੍ਰਧਾਨ ਮੰਤਰੀ ਬਣ ਗਏ ਹਨ।
ਉਨ੍ਹਾਂ ਨੂੰ ਐਲਿਜ਼ਾਬੈਥ ਬੋਰਨ ਦੀ ਥਾਂ ਚੁਣਿਆ ਗਿਆ ਹੈ, ਜਿਨ੍ਹਾਂ ਨੇ ਕੱਲ੍ਹ ਅਸਤੀਫਾ ਦੇ ਦਿੱਤਾ ਸੀ। ਐਲਿਜ਼ਾਬੈਥ ਬੋਰਨ ਸੰਸਦ ਵਿਚ ਬਹੁਮਤ ਲਈ ਸੰਘਰਸ਼ ਕਰ ਰਹੀ ਸੀ। ਨਵੇਂ ਪੀ. ਐੱਮ. ਗੈਬਰੀਅਲ ਅਟਲ ਦੀ ਸਰਕਾਰ ਵਿਚ ਤਰੱਕੀ ਬਹੁਤ ਤੇਜ਼ੀ ਨਾਲ ਹੋਈ ਹੈ।
10 ਸਾਲ ਪਹਿਲਾਂ ਉਹ ਸਿਹਤ ਮੰਤਰਾਲੇ ਵਿਚ ਸਲਾਹਕਾਰ ਸਨ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਖੁਦ ਨੂੰ ਸਮਲਿੰਗੀ ਦੱਸਿਆ ਹੈ, ਉਨ੍ਹਾਂ ਦੇ ਕਾਨੂੰਨੀ ਪਾਰਟਨਰ ਸਟੀਫਨ ਸੇਜੋਰਨ ਹਨ ਜੋ ਖੁਦ ਇੱਕ ਸਿਆਸਤਦਾਨ ਹਨ।
ਸਿੱਖਿਆ ਮੰਤਰੀ ਰਹਿੰਦਿਆਂ ਅਟਲ ਨੇ ਸਰਕਾਰੀ ਸਕੂਲਾਂ ਵਿਚ ਮੁਸਲਿਮ ਲੜਕੀਆਂ ਦੇ ਅਬਾਯਾ ਪਹਿਨਣ ’ਤੇ ਪਾਬੰਦੀ ਲਗਾਉਣ ਦਾ ਵਿਵਾਦਤ ਫੈਸਲਾ ਲਿਆ ਸੀ, ਜਿਸ ਨਾਲ ਉਹ ਸੁਰਖੀਆਂ ਵਿਚ ਆ ਗਏ ਸਨ। ਇਹ ਵੀ ਦੱਸ ਦੇਈਏ ਕਿ ਇਮੈਨੁਅਲ ਮੈਕਰੋਨ 39 ਸਾਲ ਦੇ ਸਨ ਜਦੋਂ ਉਹ ਫਰਾਂਸ ਦੇ ਰਾਸ਼ਟਰਪਤੀ ਬਣੇ।
