18.09C Vancouver 18.09C VancouverSep 30, 2022 12:34 AM - Connect News
ਫਰੇਜ਼ਰ ਹੈਲਥ ਦਾ ਕਹਿਣਾ ਹੈ ਕਿ ਪੂਰੇ ਹੈਲਥ ਰਿਜਨ 'ਚ ਫਾਲ ਬੂਸਟਰ ਪਲੈਨ ਤਹਿਤ ਹੁਣ ਕੋਵਿਡ-19 ਦੀ ਬੂਸਟਰ ਖੁਰਾਕ ਹਾਸਿਲ ਕੀਤੀ ਜਾ ਸਕਦੀ ਹੈ।
ਇਸ 'ਚ ਨਵੀਆਂ ਓਮੀਕਰੌਨ ਵੇਰੀਐਂਟ ਪ੍ਰਤੀ ਕਾਰਗਰ ਸਾਬਿਤ ਹੋਣ ਵਾਲੀਆਂ ਬਾਇਵੇਲੈਂਟ ਵੈਕਸੀਨਸ ਵੀ ਸ਼ਾਮਿਲ ਦੱਸੀਆਂ ਗਈਆਂ ਹਨ।
ਫਰੇਜ਼ਰ ਹੈਲਥ ਦਾ ਕਹਿਣਾ ਹੈ ਕਿ 18 ਸਾਲ ਅਤੇ ਉਸ ਤੋਂ ਵਧੇਰੀ ਉਮਰ ਦੇ ਸਾਰੇ ਲੋਕਾਂ ਨੂੰ ਮੌਡਰਨਾ ਦੀ ਬਾਇਵੇਲੈਂਟ ਵੈਕਸੀਨ ਹਾਸਿਲ ਹੋ ਸਕਦੀ ਹੈ।
ਹਾਲਾਂਕਿ ਇਸ ਦੇ ਲਈ ਕੋਵਿਡ-19 ਦੀ ਪਿਛਲੀ ਖੁਰਾਕ ਤੋਂ 6 ਮਹੀਨੇ ਦਾ ਅੰਤਰ ਹੋਣਾ ਜਰੂਰੀ ਹੈ।
ਯਾਦ ਰਹੇ ਸਿਹਤ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਮੌਡਰਨਾ ਸਪਾਈਕਵੈਕਸ ਬਾਇਵੇਲੈਂਟ ਵੈਕਸੀਨ ਕੋਵਿਡ-19 ਵਾਇਰਸ ਦੇ ਨਾਲ ਓਮੀਕਰੌਨ ਦੇ ਬੀ.ਏ.1 ਵੇਰੀਐਂਟ ਨੂੰ ਵੀ ਨਿਸ਼ਾਨਾ ਬਣਾਉਂਦਾ ਹੈ।
ਹੈਲਥ ਕੈਨੇਡਾ ਨੇ ਇਸ ਪ੍ਰਕਾਰ ਦੀ ਵੈਕਸੀਨ ਨੂੰ ਬੂਸਟਰ ਖੁਰਾਕ ਦੇ ਤੌਰ 'ਤੇ ਵਰਤਣ ਲਈ 1 ਸਿਤੰਬਰ ਨੂੰ ਮਨਜੂਰੀ ਦੇ ਦਿੱਤੀ ਸੀ।
ਫਰੇਜ਼ਰ ਹੈਲਥ ਦਾ ਕਹਿਣਾ ਹੈ ਕਿ 12 ਤੋਂ 17 ਸਾਲ ਦੇ ਲੋਕ ਫਾਲ ਬੂਸਟਰ ਪ੍ਰੋਗਰਾਮ ਤਹਿਤ ਰੈਗੂਲਰ ਕੋਵਿਡ-19 ਵੈਕਸੀਨ ਹਾਸਿਲ ਕਰ ਸਕਣਗੇ।
ਇਸ ਤੋਂ ਇਲਾਵਾ 5 ਤੋਂ 11 ਸਾਲ ਦੇ ਬੱਚੇ ਪੀਡੀਐਟ੍ਰਿਕ ਵੈਕਸੀਨਸ ਹਾਸਿਲ ਕਰ ਸਕਣਗੇ।
ਇਸ ਤੋਂ ਇਲਾਵਾ 6 ਮਹੀਨੇ ਤੋਂ ਵੱਧ ਉਮਰ ਦੇ ਬੱਚਿਆਂ ਨੂੰ ਪ੍ਰਾਇਮਰੀ ਸੀਰੀਜ ਪ੍ਰਦਾਨ ਕੀਤੀ ਜਾਵੇਗੀ।
ਯਾਦ ਰਹੇ ਫਰੇਜ਼ਰ ਹੈਲਥ ਵੱਲੋਂ ਐਬਟਸਫੋਰਡ, ਬਰਨਬੀ, ਚਿਲਿਵੈਕ, ਕੋਕਟਲਮ, ਲੈਂਗਲੀ, ਮੇਪਲ ਰਿਜ, ਸਰੀ ਨੌਰਥ, ਸਰੀ ਸਾਊਥ, ਹੋਪ, ਐਗਜ਼ੀ ਅਤੇ ਬੌਸਟਨ ਬਾਰ ਦੇ ਇਲਾਕਿਆਂ 'ਚ ਵੈਕਸੀਨ ਪ੍ਰਦਾਨ ਕੀਤੀ ਜਾ ਰਹੀ ਹੈ।
