15.28C Vancouver 15.28C VancouverMay 6, 2021 8:26 PM -
ਫਰੇਜ਼ਰ ਹੈਲਥ ਵੱਲੋਂ ਇਲਾਕੇ ਨਿਵਾਸੀਆਂ ਨੂੰ ਉਤਸ਼ਾਹਿਤ ਕੀਤਾ ਜਾ ਰਿਹਾ ਹੈ ਕਿ ਵੈਕਸੀਨੇਟ ਹੋਣ ਲਈ ਰਿਜਿਸਟਰ ਕੀਤਾ ਜਾਵੇ।
ਫਰੇਜ਼ਰ ਹੈਲਥ ਦਾ ਕਹਿਣਾ ਹੈ ਕਿ ਵੈਕਸੀਨ ਹਾਸਿਲ ਕਰਨ ਦੇ ਲਈ ਰਿਜਿਸਟਰ ਕਰਨ ਲਈ ਕੁਝ ਥਾਵਾਂ 'ਤੇ ਕਿਓਸਕ ਵੀ ਸਥਾਪਿਤ ਕੀਤੇ ਜਾ ਰਹੇ ਹਨ।
ਇੱਥੇ ਪਹੁੰਚ ਕੇ ਰਿਜਿਸਟਰ ਕੀਤਾ ਜਾ ਸਕੇਗਾ।
ਜੇਕਰ ਅਜਿਹਾ ਕਰਦੇ ਹੋਏ ਕਿਸੇ ਜਗ੍ਹਾ ਦੀ ਜਾਣਕਾਰੀ ਦਿੱਤੀ ਜਾਂਦੀ ਹੈ ਕਿ ਮੌਕੇ 'ਤੇ ਹੀ ਵੈਕਸੀਨ ਉਪਲਬਧ ਹੋਵੇ ਤਾਂ ਉਸੇ ਮੌਕੇ ਵੈਕਸੀਨ ਹਾਸਿਲ ਵੀ ਕੀਤੀ ਜਾ ਸਕੇਗੀ।
ਹਾਲਾਂਕਿ ਇਹ ਵੀ ਸਪਸ਼ਟ ਕੀਤਾ ਗਿਆ ਹੈ ਕਿ ਇਹ ਰਿਜਿਸਟਰ ਕਰਨ ਦੇ ਲਈ ਸਥਾਪਿਤ ਕੀਤੇ ਗਏ ਕਿਓਸਕ ਹੋਣਗੇ ਅਤੇ ਇਹਨਾਂ ਨੂੰ ਕਿਸੇ ਪ੍ਰਕਾਰ ਦਾ ਡਰੌਪ-ਇਨ ਵੈਕਸੀਨੇਸ਼ਨ ਕਲੀਨਿਕ ਨਾ ਸਮਝਿਆ ਜਾਵੇ।
ਅੱਜ ਗਿਲਡਫੋਰਡ ਮਾਲ 'ਚ ਦੁਪਹਿਰ 12.30 ਵਜੇ ਤੋਂ 4 ਵਜੇ ਤਕ ਕਿਓਸਕ ਸਥਾਪਿਤ ਕੀਤਾ ਗਿਆ ਹੈ।
ਸ਼ੁੱਕਰਵਾਰ ਨੂੰ ਸਵੇਰੇ 9.30 ਵਜੇ ਤੋਂ 11.30 ਵਜੇ ਤਕ 120 Street ਅਤੇ 82 Avenue 'ਤੇ ਸਥਿਤ ਰੀਅਲ ਕਨੇਡੀਅਨ ਸੁਪਰਸਟੋਰ ਅਤੇ ਦੁਪਹਿਰ 1 ਵਜੇ ਤੋਂ 4 ਵਜੇ ਤਕ ਸਟ੍ਰਾਬੈਰੀ ਹਿਲ ਸ਼ਾਪਿੰਗ ਸੈਂਟਰ 'ਚ ਰਿਜਿਸਟਰ ਕਰਨ ਲਈ ਕਿਓਸਕ ਲਗਾਏ ਜਾਣਗੇ।
