13.85C Vancouver 13.85C VancouverDec 9, 2024 7:05 PM - The Canadian Press
ਕੈਨੇਡਾ ਦੀ ਡਿਪਟੀ ਪੀ.ਐੱਮ. ਅਤੇ ਵਿੱਤ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਵਲੋਂ 16 ਦਸੰਬਰ ਨੂੰ ਫਾਲ ਇਕਨੋਮਿਕ ਸਟੇਟਮੈਂਟ ਜਾਰੀ ਕਰਨ ਦੀ ਘੋਸ਼ਣਾ ਕੀਤੀ ਗਈ ਹੈ। ਰਾਜਨੀਤਿਕ ਭਾਸ਼ਾ ਵਿਚ ਇਸ ਨੂੰ ਮਿੰਨੀ-ਬਜਟ ਵੀ ਕਿਹਾ ਜਾਂਦਾ ਹੈ।
ਇਸ ਤੋਂ ਪਤਾ ਲੱਗੇਗਾ ਕਿ ਸਰਕਾਰ ਦੇ ਵਿੱਤੀ 2025 ਵਿਚ ਕਿਸ ਦਿਸ਼ਾ ਵੱਲ ਜਾਣ ਵਾਲੇ ਹਨ ਕਿਉਂਕਿ ਹਾਲ ਹੀ ਵਿਚ ਸਰਕਾਰ ਨੇ ਬਜਟ 2024 ਤੋਂ ਬਾਹਰ ਜੀਐੱਸਟੀ ਛੋਟ, ਇਮੀਗ੍ਰੇਸ਼ਨ ਕੈਪਸ ਅਤੇ ਨਾਟੋ ਖ਼ਰਚ ਨੂੰ ਪੂਰਾ ਕਰਨ ਸੰਬੰਧੀ ਘੋਸ਼ਣਾਵਾਂ ਕੀਤੀਆਂ ਹਨ, ਜਿਸ ਦਾ ਸਰਕਾਰ ਦੇ ਬਜਟ ’ਤੇ ਅਸਰ ਪਵੇਗਾ।
ਪੌਲੀਐਵ ਦਾ ਇਲਜ਼ਾਮ ਹੈ ਕਿ ਸਰਕਾਰ ਨੇ ਫਾਲ ਇਕਨੋਮਿਕ ਸਟੇਟਮੈਂਟ ਨੂੰ ਪੇਸ਼ ਕਰਨ ਲਈ ਇਸੇ ਕਰਕੇ ਦੇਰੀ ਕੀਤੀ ਹੈ ਕਿਉਂਕਿ ਸਰਕਾਰ ਵਲੋਂ ਬਜਟ ਘਾਟੇ ਦਾ ਰੱਖਿਆ ਗਿਆ ਟਾਰਗੇਟ ਪਾਰ ਹੋਣ ਦੀ ਉਮੀਦ ਹੈ। ਉਥੇ ਹੀ, ਫ੍ਰੀਲੈਂਡ ਨੇ ਇਸ ਪਿੱਛੇ ਕੰਜ਼ਰਵੇਟਿਵ ਦੇ ਵਿਸ਼ੇਸ਼ ਅਧਿਕਾਰ ਮੋਸ਼ਨ ਕਾਰਨ ਸਦਨ ਦਾ ਕੰਮ ਰੁਕਣ ਨੂੰ ਜ਼ਿੰਮੇਵਾਰ ਠਹਿਰਾਇਆ ਹੈ।
ਕੈਨੇਡਾ ਸਰਕਾਰ ਵਲੋਂ ਆਮ ਤੌਰ ’ਤੇ ਫਾਲ ਇਕਨੋਮਿਕ ਸਟੇਟਮੈਂਟ ਨਵੰਬਰ ਵਿਚ ਜਾਰੀ ਕੀਤੀ ਜਾਂਦੀ ਹੈ। ਤਾਜ਼ਾ ਫਿਸਕਲ ਅਪਡੇਟ ਵਿਚ ਕੈਨੇਡਾ ਦੀ ਆਰਥਿਕ ਵਿਕਾਸ ਦਾ ਅਨੁਮਾਨ ਵੀ ਸ਼ਾਮਲ ਹੋਵੇਗਾ।
