17.49C Vancouver 17.49C VancouverJun 8, 2021 7:28 PM -
ਫਰੈਂਚ ਰਾਸ਼ਟਰਪਤੀ ਇਮੈਨੂਏਲ ਮੈਕਰੌਨ ਨੂੰ ਇੱਕ ਵਿਅਕਤੀ ਨੇ ਥੱਪੜ ਮਾਰ ਦਿੱਤਾ ਹੈ।
ਦੱਖਣਪੂਰਬੀ ਫਰਾਂਸ 'ਚ ਇੱਕ ਛੋਟੇ ਸ਼ਹਿਰ ਦੀ ਫੇਰੀ ਕਰ ਰਹੇ ਮੈਕਰੌਨ 'ਤੇ ਇੱਕ ਵਿਅਕਤੀ ਨੇ ਹੱਥ ਚੁੱਕ ਦਿੱਤਾ।
ਮੰਗਲਵਾਰ ਨੂੰ ਵਾਪਰੀ ਇਸ ਘਟਨਾ 'ਤੇ ਵੱਖੋ-ਵੱਖਰੇ ਸਿਆਸਤਦਾਨਾਂ ਨੇ ਮੈਕਰੌਨ ਲਈ ਸਹਿਯੋਗ ਜ਼ਾਹਿਰ ਕੀਤਾ ਹੈ ਅਤੇ ਘਟਨਾ ਦੀ ਨਿੰਦਿਆ ਕੀਤੀ ਹੈ।
ਇੱਕ ਵੀਡੀਓ 'ਚ ਵਿਖਾਈ ਦਿੰਦਾ ਹੈ ਕਿ ਇੱਕ ਵਿਅਕਤੀ ਨੇ ਮੈਕਰੌਨ ਨੂੰ ਚਿਹਰੇ 'ਤੇ ਥੱਪੜ ਮਾਰ ਦਿੱਤਾ ਅਤੇ ਰਾਸ਼ਟਰਪਤੀ ਦੇ ਬਾਡੀ-ਗਾਰਡਸ ਨੇ ਜਲਦੀ ਹੀ ਇਸ ਵਿਅਕਤੀ ਨੂੰ ਧੱਕ ਕੇ ਪਿੱਛੇ ਕਰ ਦਿੱਤਾ ਅਤੇ ਰਾਸ਼ਟਰਪਤੀ ਨੂੰ ਮੌਕੇ ਤੋਂ ਅਤੇ ਸ਼ਹਿਰ ਤੋਂ ਜਲਦੀ ਹੀ ਕੱਢ ਲਿਆ ਗਿਆ।
ਮੰਨਿਆ ਜਾ ਰਿਹਾ ਹੈ ਕਿ ਥੱਪੜ ਮਾਰਨ ਵਾਲੇ ਵਿਅਕਤੀ ਨੇ 'ਮੌਂਟਜੌਏ ਸਾਂ-ਡਨੀ' ਦਾ ਨਾਅਰਾ ਲਗਾਇਆ ਸੀ ਜੋ ਕਿ ਸਦੀਆਂ ਪੁਰਾਣੀ 'ਰਾਇਲ ਵਾਰ ਕਰਾਈ' ਦੱਸੀ ਜਾਂਦੀ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਪੁਲਿਸ ਨੇ 2 ਲੋਕਾਂ ਨੂੰ ਹਿਰਾਸਤ 'ਚ ਲਿਆ ਹੈ।
ਪੂਰੀ ਘਟਨਾ ਕੈਮਰੇ 'ਤੇ ਕੈਦ ਹੋ ਗਈ ਅਤੇ ਇਸ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਉਪਲਬਧ ਹੈ।
